Popular Bible Verses from كُورِنْتُوسْ اللّْوّْلَى 11

Share

وْهَكَّا دَارْ بْالْكَاسْ حْتَّى هُوَ مْنْ بَعْدْ الْعْشَا وْݣَالْ: «هَادْ الْكَاسْ رَاهْ هُوَ الْعَهْدْ الجّْدِيدْ بْالدّْمْ دْيَالِي، دِيرُو هَادْشِّي وَقْتْمَا شْرَبْتُو بَاشْ تّْفَكّْرُونِي». حِيتْ كُلّْمَا كْلِيتُو هَادْ الْخُبْزْ، وْشْرَبْتُو هَادْ الْكَاسْ، رَاكُمْ كَتْخَبّْرُو بْمُوتْ الرَّبّْ حْتَّى يْعَاوْدْ يْجِي.

حِيتْ دَاكْشِّي اللِّي خْدِيتْ مْنْ الرَّبّْ عْطِيتُو لِيكُمْ تَانِي، بْاللِّي الرَّبّْ يَسُوعْ فْاللِّيلَة اللِّي سَلّْمُوهْ فِيهَا، خْدَا الْخُبْزْ وْشْكَرْ اللَّهْ وْقَطّْعُه وْݣَالْ: «هَادَا هُوَ الدَّاتْ دْيَالِي، اللِّي غَنْعْطِيهَا عْلَى قْبَلْكُمْ. دِيرُو هَادْشِّي بَاشْ تّْفَكّْرُونِي».

وَلَكِنْ خَاصّْ كُلّْ وَاحْدْ يْرَاجْعْ رَاسُه، عَادْ يَاكُلْ مْنْ الْخُبْزْ وْيْشْرَبْ مْنْ الْكَاسْ، حِيتْ اللِّي كَيَاكُلْ وْكَيْشْرَبْ بْلَا مَا يْفْهَمْ الدَّاتْ دْيَالْ الرَّبّْ، رَاهْ كَيَاكُلْ وْكَيْشْرَبْ الْحُكْمْ عْلَى رَاسُه.

وْعْلَى هَادْشِّي كُلّْ مْنْ كْلَا هَادْ الْخُبْزْ، وْلَا شْرَبْ هَادْ الْكَاسْ دْيَالْ الرَّبّْ بْلَا مَا يْسْتَحْقّْ، رَاهْ غَيْدْنَبْ فْحَقّْ الدَّاتْ دْيَالْ الرَّبّْ وْالدّْمْ دْيَالُه.

دِيرُو بْحَالِي، كِيفْ كَنْدِيرْ حْتَّى أَنَا بْحَالْ الْمَسِيحْ.