Popular Bible Verses from SA LEVITNA 26

Share

Nan ma poy jargiya, nan ma mus mi Lawna vigi dok-doko, nigi ma lak si sumuna vanu kaw.

Nan ma gi niyn tigiya hay liyna valamu valamu, jafna ma vuɗ hay nagata, gu ma hay sinen kaw ma vuɗ jafna valam hay liyamu.

La nigi hum kuɗ gatta vanu, la nigi ŋom vun-ma-gatna vanu, li lop hiɗi namu kaw.

Nan ma hin toyt gaa kay nagata, sa ma as ɓulakgi senda kirgi may loɗi; muur ma siyna nan ma vatam goy hay nagata, kew-gaferaŋa ma jik hay nagata vigi loɗi kaw.

Nan ma muɗ iran kirgiya, nan ma biyagi ŋol haca-haca', nan ma ŋom bonota van ta nan juna' hiɗi nigita.

Nanu mi Ma-Vatɗina Lawna vigiya, ma yawgiyay goy hay nagat Egipte pana, ma jagi jargiyay goy hay gorvota, jak ma nek ma tuni pelgina nan tom goyo, nan hingi poy hiɗi yigi kulo ja tiriŋ' kaw.

Nan ma cuk ziyna van gaa jargiya, nigi ma muɗ kiran bis noŋɗi.

Nigi ma kot lawayn ma waana noŋɗi, va ma sli tuw sana hiɗi hiɗiyn ma ceɗina nigi ma kotomɗi kaw, hiɗiy ma ceɗi hiɗi vokom ki san nalana, nigi ma colom hay nagata vigiya kay girif gaa vokomɗi kaw; kay nanu mi Ma-Vatɗina, Lawna vigiya.

Nigi ma ti wa ma busa buumna, nigi ma yaw wa-buumna goyo kay vurna ma wulin baŋalamu.

Sum sa vaslna ma mun sumun kis, sumuna vigi sa kisna ma mun sumun birim doogo, sa gawt kigina kew-gaferaŋa ma yaksi gaa vokgiya.

Hay li ma ɓigi pat goy tam tona vi alkamaren de kayni, nigi jok ɗawn kuɗ jana vi gulda-guldana, jana vi gulda-guldan ma co ta-ta tam jaf ma cukum wulina; fu ma tin ma suwgi suwi goyo, nigi ma lak hay nagata vigi hiɗi sle'ta.

Nigi ma mun sa gawt kigina, nala nisi ma cuk gaa vokgiya hiɗi kew-gaferaŋa.

Nigi ma li kuɗ sabatna vanu, nigi ma girif liyna van ma peldetna. Nanu mi Ma-Vatɗina.