Popular Bible Verses from HEBRENA 11

Share

May vida kayni mi varta ma tuni kay slen ma san ka zamam hiɗi sle'ta, ɗekka-goyta vi slena ma ir sa may wumɗina. Kuɗ vida sa viyna sa ɓa-ɓana sumuna li di-goyta ŋaata kisiya.

May, bay vida sa as li ŋaa'a kir Lawnɗi; kay sa ma ma tam Lawna, la linigekaw nam ma vi ala Lawn ka'a, nam wurak nisi sa garamna kaw.

hiɗi vida nay wi ala nagata liyawa hiɗi yoboyna vi Lawna, kay slen ma nay wumna kayni may co kuɗ slen ma goy haraŋŋaɗi.

hiɗi vida Abraham hum kuɗ yita vi Lawna kay tuɗ hay nagata ta nam ma fa' voco'o, nam kaliya bay wi liyn ma nam tuɗ hayna. hiɗi vida nam kalay mus hay nagata ta ŋaɓay talamta ki hay nagata ta pul nala, musi hay guɗukŋa, tapay hiɗi Isaak hiɗi Yakub, sa tapay yaw vocota vi deŋga na'ta hiɗi namu.

hiɗi vida Nuwa, hay li ma Lawna dum kay sle ma sa bay wum tuwana, hay narta peldetta nam kot arkena tam su'da kay jafna valamu; hiɗi na'a, nam ka kitata tam ba-goyta kay nagata, nam muɗi mi ma yaw vocota vi ɗigerta ta fa' kuɗ vida.

hiɗi vida Henok sliys goyo, nam wi mittaɗi; sa fumɗi kaw, kay Lawna slumis goyo, kay jew sli-goyta valamu, di-goyta li kalam ala nam kir Lawn ŋaa'a.

Hiɗi vida Abel mar ɗifinna ma ŋaana ma suw vi Kayin vok Lawna, hiɗi na'a, di-goyta li goy kalam ala nam ɗigere, hay li ma Lawna kay tuwamu li di-goyta kay ɗifinna valamu; kuɗa'a nam mitiya, may ka law bugol mitta kaw.

hiɗi vida, Sara kaw fi donota kay vuɗ jafna hay li ma busata vi vu'da va'a kalay kal, kay na' fi dono'o hay nam ma li deŋga ta'na.

Kay nam zam ɓam hoyok-ziyna ma selem tuni gaa donona, hoyok-ziyna ma inimu kotomu kaw mi Lawna.

hiɗi vida Musus, hay li ma nam muɗawa ŋolo, may min kay nisi ma yum ala goora vi goota vi Farawn loɗi. Kay nam vilek a fi lasta hiɗi sumuna vi Lawna suw musta ma hiɗi firita ne' ɦawa hay sulukŋa. Kay nam ɗuw hawta vi Kristu faray ŋol suw farayna vi Egipte; kay nam ɗuw goy vokom gine ŋolo tam wurakŋa. hiɗi vida nam hin Egipte bay narta kay ɦiyda vi mulla, kay nam col dono'o, ki nam ka wi nam ma ir sa wumɗina nala.

hiɗi vida Abraham li ɗifin hiɗi Isaak, hay li ma nam ay hay wakka. Kayni mi goora valam ma vuɗi kepna, ma nam fi deŋga kalamna, nam li ɗifin hiɗi namu.

hiɗi vida Rahab cata gawlaŋga ba goy hiɗi sa bay-vinaɗi, hay li ma na' vi sa co ɗuw gul-liyna hiɗi ŋaata.

hiɗi vida nisi jik hay niy-lum ŋol ma slawna ki kulo kay nagata ɗeŋga nala, may hay li ma sa Egiptena wak kayni, niyna kuluɓ kisiya.

hiɗi vida gulmunna vi Yeriko ɦo gaa'a, bugol nisi ŋuyum ir buur siɗiya ŋuyna.

hiɗi vida nam li paskata hiɗi yam-goyta vi busuwna, kay nam ma vat gurona tun ɓalam tam guro sa jewna vi Israyel noŋɗi.

hiɗi vida Yosef, goboy tam dabta valamu, law kay kal-goyta vi gurona vi Israyel, vul gatta kaw kay zokomu.

hiɗi vida Yakub, hay li ma nam ka goboy vun mitta, gi bol mi gurona vi Yosef kisi kep kep, nam guɗof gaa kay yam zugulda valamu, siɗawa kaw.

hiɗi vida Isaak gi bol mi Yakub hiɗi Esaw kay slen ma min ma voko kaw.