Popular Bible Verses from GATTA-SEM-MA'TA 6

Share

Nigi ma min Ma-Vatɗina Lawna vigiya hiɗi dikgi kaf, hiɗi ciwta vigi kaf, hiɗi donota vigi kaf.

Nigi ma kalam hay yam gurona vigiya, nigi ma disita hay li ma nigi ka vo hay ziyna vigiya, hay li ma nigi ka hay rogoyta, hay li ma nigi bur gaa'a, hay li ma nigi fok kulo'o kaw.

Yoboy ma nan vulgit vaydi kayni nigi ma ŋomom hay dikgiya.

Humgiya, nigi sa Israyella, Ma-Vatɗina Lawna vaya nam kepe.

Nigi ma junum hay gilaŋatsi kay li ɗek-goyta kisiya, junum hay voksi kaw.

Nigi ma ɗom kulo hay vun-ziyna vigiya, hay vun-galana vigi kaw.

Nigi ma li nar kuɗ Ma-Vatɗina Lawna vigiya, nigi ma girifimtin mi namu, la nigi yi va kigiya, ma li kayn hay semda valamu.

Hay li ma Ma-Vatɗina Lawna vigiya cogiyawa hay nagat ta nam yi va kalamu kay vula' mi sumaygiya, Abraham, Isaak hiɗi Yakub, kay vulgi nagat na'ta hiɗi hoyok-ziyn ma ŋulona ma ŋaana ma nigi may inimɗina, ziy ma hobi hiɗi sle ma ŋaana kuɗ batam kaf ma may tokom si nigiɗina, kaara ma jugoɗay jewe, ma may jugoɗom si nigiɗina, gulda-guldana hiɗi gun-olive ma may pum si nigiɗina, hay li ma nigi tumawa, haygi ma hoba kaw. Ligi ŋali kay yigi ma jok Ma-vatɗinɗi, nam ma kalgiyay goy hay Egipte pa, goy hay nagata ta ligi gorvota.

Kayni mi vun-ma-gatna, dita colita hiɗi slen ma diyna ma Ma-Vatɗina Lawna vigiya vul hagata kay hatgiya, kay nigi ma li lop hiɗi namu hay nagata ta nigi min kal haya kay muɗa' goy ir vigiya, kay nigi ma li nar kuɗ Ma-Vatɗina Lawna vigiya, hay buurta kaf, nigiya, gurona vigiya hiɗi guro-ŋolona vigiya, li kuɗ slen ma diyna hiɗi vun-ma-gatna kaf ma nan vulgiya, kay buura vigi ma ɦur voko.

Nigi ma lum mi sle ma ɗigera hiɗi sle ma ŋaana vok ir Ma-Vatɗina, kay nigi ma lak hay sle'ta, kay nigi ma kal hay nagata ta Ma-Vatɗina yi va kalamu kay vulgiya kaw

kay Ma-Vatɗina Lawna vigiya ma ka jargin kayni nam mi Lawn ma hunaya, ɦiyda vi Ma-Vatɗina Lawna vigiya as fok kulo katgiya, nam as vatgi goyo gaa kay yam nagata.

Nigi ma tap kuɗ lawayn maraɗi, lawayna vi sum sa goy galgina nigi ma tap kuɗumɗi

Nigi ma nem Ma-Vatɗina Lawna vigiya ki nigi nemma ay hay Masa naɗi.