Popular Bible Verses from DANIEL 9

Share

Nan siɗaw Ma-Vatɗina Lawna vanu, nan ka tiy vokom ala: Hah! Bum-Sumuna Lawna ma ŋolla ma narta ka kuɗaŋ ŋolla, naŋ ma ŋom bonota hiɗi ŋaata vaŋu kat nisi sa minaŋu, sa ŋom vun-ma-gatna vaŋu.

Lawna vanu, jakaŋ humaŋu, humanu. Malaŋ iraŋ goyo, ɗuwaŋ yam-jonona vuma'a hiɗi hoyok-ziyna vuma'a ma semda vaŋu ka yiy haya. Kay numa mar giɗel-delta vuma taŋ kayni may kuɗ lopna vuma'a ma ɗigeraɗi, may kuɗ slugota vaŋu ta ŋolda. Bum-Sumuna humma humge, Bum-Sumuna, vulma gida tage. Ma-Vatɗina jakaŋ humaŋu. Laŋ lopna vaŋu, vi yaŋɗi, kuɗaŋ naŋu Lawna vanu. Kay semda vaŋu ka yiya hay hoyok-ziyna hiɗi sumuna vaŋu.

Hay na'ta nan muɗ iran kir Bum-sumuna Lawna, kay garamu hiɗi siɗawta, hiɗi giɗel-delta, hay laata, jun sligar bolla tanu, ko butuw-kun kanu kaw.

Slugota hiɗi gida ka taŋ naŋ Bum-Sumuna Lawna vuma'a, kay numa ŋelaŋ vunaŋ ŋolo.

Nam ma vi bonot hiɗi sumun ŋolo ir lumut kep, hay galla vi lumuta, nam ma tel ɗifinna hiɗi vulda; sa ma ɓulak liyna ma tuɗ ta-ta co tam dabta vi liwista, ta-ta hay li ma ɦo-gaata hiɗi slen ma laway goyna nig gaa kay sa ma ɓulak liyna.