Popular Bible Verses from 2 MULIYANA 5

Share

Naaman mulla vi sojena vi Siriya kayni, nam kir mulamna ŋaa'a ŋolo, mulamna slum yalam kulo ŋolo. Kay Ma-Vatɗin but sum sa Siriyan goy kayn hiɗi ɓalam namu. May sa namna ma dono'o, ma manjuf kawn kayni nam ka hiɗi moy-kuturuna.

Elise gi sunda talamu kay dum ala: Tuɗaŋu muzaŋ tuwaŋ goy sem siɗiya hay Yordan; nala tuwaŋ ma hot muɗ golɓoto, naŋ ma hot goy hay bay-liwista.

Nam kalay ɗawni, gi tuwam goloŋ hay Yordan sem siɗiya, kuɗ yoboy ma sana vi Lawn dumtina. Nala tuwam muɗ goy golɓot cet-cet' ki goorgoor ma joriyona nala, nam muɗi bay-liwisi.

Naaman muɗ ɦiya, nam tun caw kala nam ka di ala: Nan var kayn ala nam ma kalay goy katanu kay tuwamu, nam ma yi sem Ma-Vatɗina Lawna valamu, nam ma saw ɓalam kay liy ma kuturuna, ma yerem goyo klasige.

May sa sunda valamu co talamu kay law hiɗi namu, nisi ka di talam ala: Bunu, lali sa ma jobta jobaŋ kayn kay va ma lop ŋol kaw naŋ asay a lumɗi su? Wulin kayn nam jobaŋ ala naŋ muz tuwaŋ goyo kay naŋ ma muɗ ŋaa'a ni, naŋ as li kaynɗi su?

Na' di tam mula'ta ala: Suy! Mulanna klani la nam ay kat sa ma jobta ma hay Samariyana, sa ma jobta as yerem goy kay moy-kuturuna valamu!