Popular Bible Verses from 1 KORINTENA 13

Share

Ti-kamda min ŋalda kiliŋga, ti-kamda li suwarɗi, ti-kamda li hunayɗi, ti-kamda jigal tuwa'ɗi, subur tuwa'ɗi, na'a li va ma zuloɗi, gar ŋaat kay ya' ɗeŋgaɗi, muɗ ɦiyɗi, var kay va ma jooɗi

na'a vul gida kafe, na'a vi slen kafe, cub hiɗi sle'ta pet, muɗ ɦiy hay zumaldaɗi.

na'a firiya hay bay-ɗigertaɗi, may na'a firiya hay gasita

May wulini, vida, cubta-sle'ta, ti-kamda; nam ɦidi lakŋi ka'a, may ta ŋolda jaram kayni ti-kamda.

Ti-kamda vat goy noŋɗi. La mi vun-jobta, nam ma vat goyo; la mi vunna, nam ma vat goyo; la ti wida, na' ma vat goyo.

La nan di vunna vi sum-wurana lebo vunna vi sunda-wuralawna kaw, la ti-kamda van mayɗi ni, nan ki kawayna hiɗi daray ma ci tiŋ-tiŋŋa ɦawa nala.

La nan ka hiɗi vulda kay di vun jobta-Lawna, la nan ka hiɗi wida vi sle ma ŋayayna hiɗi wida tara'a tara'a kaw, la vida vanu as kay jok hiɗiyn goyo kaw, la ti-kamda van mayɗi, nan mi va waa'a.

La nan vul slena van kaf kay tina vi sa hawna kaw, la nan vul tuwan kay ŋal goyo kaw, la ti-kamda van mayɗi, slen kayni as lan va ŋaa'a noŋɗi.

Hay li ma nan ay goor tuwa, nan law ki goorgoor nala, nan var ki goorgoor nala, nan li slen ki gurosgurayn nala kaw. May hay li ma nan muɗi ŋolo, nan hin slena vi guraytawa goyo.