Popular Bible Verses from Romanos 8

Share

Ñoqanchikqa yachanchikmi, Dios kuyaqkunataqa tukuy imapas allinninpaqmi yanapan, chaykunaqa yanapan haykam munasqanman hina qayasqankunatam.

Chayraykum yachakuni, wañuypas, kawsaypas, angelkunapas, mayna atiyniyuqkunapas, maynaña munaychakuqkunapas, kunan kaqpas, hamuq kaqpas, altopi kaqpas, uku-ukupi kaqpas, nitaq ima unanchasqa kaqkunapas, Señorninchik Jesucristontakama Diospa kuyakuynin qowasqanchikmantaqa manam imapas rakiwasunchu.

Pisi kallpayuq kaptinchikmi Chuya Espíritu yanapawanchik. Manam imayna mañakuytapas yachanchikchu, ichaqa Chuya Espiritum Diosta mañapuwanchik runapa mana rimay atisqan rimaykunawan.

Chaynaqa, ¿imatawanraqtaq nichwanchik? Sichum Dios ñoqanchikwan kaptinqa ¿pitaq ñoqanchikpa contranchikpi kanman?

Chaynaqa, haykam Cristo Jesuswan hukllaña kaqkunapaqqa manañam ima condenacionpas kanñachu. Paykunaqa manañam aychaman hinañachu kawsanku, aswanqa Espirituman hinañam.

Aychapa munasqanman hina kawsayqa wañuymi, Espiritupa munasqanman hina kawsaymi ichaqa kawsaytawan hawkayayta qowanchik.

Astawanqa tukuy kaykunatam vencenchik kuyawaqninchik Señorninchik Jesucristontakama.

Yachasqayman hinaqa, kunan tiempo ñakarisqanchikqa, manam imallapipas rikchakunchu hamuq punchawkunapi kancharichkaq kawsayta kikin Diospa qowananchikwanqa.

¿Pitaq Cristopa kuyakuyninmanta rakiwachwan? ¿Sasachakuychu, llakikuychu, qatikachasqa kaychu, yarqaychu, wakchayaychu, wañuypa patanpiña kaychu, icha wañuychu?

Llapa runakunapa sonqon reqsiq Diosmi yachan Chuya Espiritupa imam nisqanta. Payqa Diospa munasqanman hinam llapallan iñiqkunapaq mañapun.

Diospa Espiritunpa pusasqankunaqa llapallankum Diospa churinkuna.

Aychaman hina kawsaqkunaqa aychaman hinallam imatapas yuyaymananku, Espirituman hina kawsaqkunam ichaqa Espiritupa kaqkunapiña yuyaymananku.

Sichum Diosqa kikinpa Churintapunipas rantinchikpi wañunanpaq qowachkaspanchikqa ¿manachum Churintawan kuskata tukuy imatapas mana imallapaq qowasunchik?

Kikin Espiritum willan espiritunchikman Diospa churinña kasqanchikta. Churinña kaptinchikqa paypa tukuy iman kaqkunapas ñoqanchikpañam, chaynapim Jesucristowan kuska herenciata chaskisun. Cristo hina ñakarispaqa paywan kuskataqmi hatunchasqa kasunchik.

Aychaman hina kawsaqkunaqa Diospa enemigonkunam, paykunaqa manam Diospa leynin kasukuyta munankuchu, nitaqmi ruwaytapas atinkuchu.

Tukuy ima unanchasqa kaqkunam sinchi munakuywan suyachkanku churinkunaña kasqanchikta Dios reqsichinanta.

Yachasqanchikpi hinam Diospa tukuy ima unanchasqankunaqa kunankama ñakarichkan, yaqa wachakuywan ñakarichkaq warmi hina.