Popular Bible Verses from Mateo 7

Share

Mañakuptikichikqa qosunkichikmi, maskaspaqa tarinkichikmi, qayakuptikichikqa kichamusunkichikmi.

Pipas mañakuqqa chaskinmi, maskaqqa tarinmi, qayakuqtaqa kichaykamunqam.

Pipas nisqaykunata uyarispan ruwayman churaqqa, taqrapa hawanpi wasichakuq allin yachayniyuq runamanmi rikchakun.

Chaynaqa, imaynam runamasikichik qamkunapaq ruwananta munankichik, chaynatayá qamkunapas paykunapaq ruwaychik. Chaynatam kamachikuykunawan profetakunapas kamachiwanchik.

Kawsayman apakuq ñanwan punkum ichaqa kichkilla, hinaspapas sasa purinam; chay ñannintaqa asllam richkanku.

Kichki punkuntayá yaykuychikqa, hatun punkuwan ancho ñanqa chinkaymanmi apakun, chaynintaqa achkallañam richkanku.

Sichum qamkunapas mana allin runakuna kachkaspa allin kaqkunata churikichikman qochkaptikichikqa, ¿manachum hanaq pachapi Taytaykichikqa haykam mañakuqninkunamanqa allin kaqkunata qoykusunkichikman?

Runamasikichiktaqa amayá juzgaychikchu chaynapi Diospas mana juzgasunaykichikpaq. Imaynam juzgasqaykichikman hinam Diospas juzgasunkichik, imaynam ruwasqaykichikman hinataqmi Diospas qamkunawan ruwanqa.

Nisqayta uyarichkaspan mana ruwayman churaqmi ichaqa, aqopa hawanpi wasichakuq mana yachayniyuq runaman rikchakun.

¿Imanasqataq wawqekipa ñawinpi qopataraq qawanki kikikipa ñawikipi kaspita mana qawachkaspaqa? Ñawikipi kaspi kachkaptinqa ¿imaynataq wawqekita niwaq: “Ñawikipi qopata hurqorusqayki” nispaqa?

Llulla profetakunamantayá waqaychakuychik. Paykunaqa ovejaman pachasqam hamunku, ukunkupim ichaqa suwa atoqkuna kanku. Qamkunaqa rurunpim reqsinkichik. Uvastaqa manam itanamantachu pallanku, nitaqmi higostapas kichkamantachu pallanku.

Allin sachaqa allinkunallatam rurun, mana allin sachañataqmi mana allinta rurun.

Allin sachaqa, mana allin rurutaqa manam rurunmanchu, nitaqmi mana allin sachapas allin rurutaqa rurunmanchu.

Mana allin ruruq sachaqa kuchuchikuspam ninaman wischuchikunqa.