Popular Bible Verses from Mateo 5

Share

Manataqmi achkitapas ratachinaqa cajonpa ukunman churanapaqchu, aswanqa altoman churanapaqmi, chaynapi wasipi kaqkunata achkinanpaq. Chaynayá qamkunapas runakunapa qayllanpi achkiychik, chaynapi allin ruwasqaykichikta qawaspanku hanaq pachapi kaq Taytaykichikta yupaychanankupaq.

Qamkunaqa kay pachapi runakunapaqmi achkiy hina kankichik, orqopa puntanpi llaqtaqa manam pakasqachu.

Mayna kusisqam chuya sonqoyuqkunaqa, paykunam Diosta rikunqaku.

Mayna kusisqam Diospa allin arreglo ruwayninmanta yarqachikuqkunawan yakunayachikuqkunaqa, paykunaqa saksachisqam kanqaku.

Ñoqam ichaqa nikichik: Enemigoykichikkunata kuyaychik, ñakarichisuqnikichik runakunapaqpas mañapuychik.

Mayna kusisqam “Diosmantam necesitani” niq wakchakunaqa, Diospa munaychakuyninpas paykunapam.

Mayna kusisqam hawkayayta maskaqkunaqa, paykunam Diospa churinwan sutichasqa kanqaku.

Mayna kusisqam waqaqkunaqa, paykunataqa Diosmi consuelanqa.

Mayna kusisqam allin kaqta ruwasqankurayku qatikachasqakunaqa, paykunapam Diospa munaychakuyninpas.

Mayna kusisqam llakipayakuqkunaqa, paykunamantapas Diosmi llakipayarikunqa.

Mayna kusisqam kankichik ñoqarayku kamisuptikichik, ñakarichisuptikichik hinaspa contraykichikpi llullakunata rimaptinkuqa. Anchatayá kusikuychik, hanaq pachapim hatun premiota chaskinkichik. Chaynatam qatikacharqaku qamkunamanta ñawpaq kaq profetakunatapas.

Mayna kusisqam llampu sonqoyuqkunaqa, paykunam kay pachata herenciankupaq chaskinqaku.

Qamkunaqa kay pachapi runakunapaqmi kachi hina kankichik. Kachi qamyayaruspaqa ¿imapaqtaq valenman? Manam imapaqpas servinñachu, aswanqa wischusqa kaptin runakuna sarutyanallanpaqñam.

Qamkunaqa hanaq pachapi Taytaykichik hina mana pantaqyá kaychik.

Rimaynikichikqa kanan “arí” otaq “manam” nispallam, chaymanta aswan rimasqaykichikqa supaymantam hamun.

Uyarirqankichiktaqmi: “Runaqa ñawimantam ñawinwan paganqa, kirumantam kirunwan paganqa”, nisqankutapas. Ñoqam ichaqa nikichik: Mana allin ruwasuqnikitaqa amayá kutichikuychu. Sichum pipas huknin uyaykipi laqyarusuptikiqa huknin uyaykitawanyá qoykuy.

Chaynaqa, sichum alleq ñawiki huchallichisuptikiqa hurqoruspayá wischuruy, cuerpoykipa huknin partellanta pierderuynikim allinqa, infiernoman lliw cuerpontin wischusqa kanaykimantaqa. Sichum alleq makiki huchallichisuptikiqa kuchuruspayá wischuruy, cuerpoykipa huknin partellanta pierderuynikim allinqa, infiernoman lliw cuerpontin wischusqa kanaykimantaqa.