Popular Bible Verses from Levítico 26

Share

Qamkunapa chawpikichikpi purispaymi Diosnikichik kasaq, qamkunañataqmi runaykuna kankichik.

ñoqam tiempollanpi parachimusaq, hinaptinmi chakraykichikpi kawsaynikichikpas qespinqa, fruta sachaykichikkunapas rurunqam.

Kamachikuyniykunatawan yachachikuyniykunata kasukuptikichikqa

Nacionnikichikpim hawka kawsakuyta qosqaykichik, hinaptinmi puñuspapas mana pipa manchachisqan puñukunkichik. Manchakuypaq monte animalkunatapas nacionnikichikmantam chinkachisaq, guerrapas chaypiqa manañam kanqachu.

Ñoqam yanapasqaykichik hinaspam achka-achkallaña kanaykichikkama mirachisqaykichik, chaynapim qamkunawan pacto ruwasqayta cumplisaq.

Ñoqa Tayta Diosmi Egipto nacionmanta hurqomurqaykichik manaña paykunapa criadon kanaykichikpaq. Yugota pakipachkaq hinam criado kasqaykichikmanta libramurqaykichik, hinaspam qari-qarillataña purichirqaykichik.

Qamkunawan yachaspaymi manaña qepanchasqaykichikñachu.

Amam idolokunataqa ruwankichikchu, nitaqmi llaqtayki ukupiqa rumimanta llaqllasqa ima idolotapas sayachinkichikchu. Chaykunapa qayllanpiqa amataqmi qonqorakunkichikchu. Ñoqaqa Tayta Diosmi kani.

Ñawpaq watapi kawsaykuna churasqaykichiktam mikunkichik, ñawpaq kawsaykunata hurqospaykichikmi musoq kawsaykunataña waqaychankichik.

Pachak enemigoykichiktam pichqalla qatikacharunkichik, chunka waranqatañataqmi pachaklla qatikacharunkichik. Chaynatam enemigoykichikta espadawan wañuchinkichik.

Kawsaykuna cosechasqaykichikpas uvas pallaykamam haypanqa, uvas pallaynikichikñataqmi tarpuykama haypanqa, hinaptinmi saksanaykichikkama mikunkichik, allpaykichikpipas hawkallam yachakunkichik.

Enemigoykichikkunatapas qatispam espadawan wañuchinkichik.

Samana punchawniykunapiqa samankichikpunim, santuarioytapas respetankichiktaqmi. Ñoqaqa Tayta Diosmi kani.