Popular Bible Verses from Josué 1

Share

Ñoqam kamachiki kallpanchakunaykipaq chaynataq qarinchakunaykipaq. Amayá manchakuychu nitaq hukmanyaychu, ñoqa Señorniki Tayta Diosmi mayta riptikipas qanwan kasaq, nispa.

Kay libropi kamachikuykunatam rimanki, hinaspam tuta punchaw yuyaymananki, waqaychaspayki kay libropa nisqanman hina ruwaspa kasukunaykipaq. Hinaspaqa imatapas allintam ruwanki, ima ruwasqaykipas allinmi lloqsinqa.

Kallpanchakuspaykiyá qarinchakuy, chaynapi serviqniy Moisespa kamachisusqayki yachachikuykunaman hina ruwanaykipaq. Amam chaymanta ichoqmanpas nitaq alleqmanpas rakikunkichu, chaynapi tukuy ima ruwasqaykipas allin lloqsinanpaq.

Kawsanayki punchawkamaqa manam pipas venceyta atisunkichu. Moisesta yanapasqayta hinam qamtapas yanapasqayki, manam saqesqaykichu nitaqmi qonqasqaykichu.

Qarinchakuspayá kallpanchakuy. Qanmi ñawpaq taytankuman prometesqay allpata kay runakunaman herencianku kananpaq partenki.

Moisesman prometesqayman hinam lliw sarusqaykichik allpata qoykichik.

Serviqniy Moisesmi wañukun. Chaynaqa, llapa runakunawan kay Jordán mayuta chimpay, chaynapi Israelpa mirayninkunaman qosqay allpaman yaykunaykichikpaq.

Tayta Diospa serviqnin Moisés wañukuptinmi, Moisespa yanapaqnin Nunpa churin Josueyta Tayta Dios nirqa

Allpaykichikmi kanqa sur lawpi chunniqmanta qallarispa norte lawman Líbano lawpi orqonkunakama, intipa qespimunan lawpi hatun Eufrates mayumanta qallarispa intipa seqaykunan lawpi Mediterráneo lamar qochakama. Qoykichiktaqmi Het castakunapa allpantapas.

Pipas kamachisqaykita mana kasukuspa nisqaykikunata mana ruwaqqa wañuchisqa kachun. Qamyá ichaqa qarinchakuy hinaspa kallpanchakuy, nispanku.

Campamentoman rispa runakunata kamachimuychik qoqawninkuta ruwanankupaq. Kaymanta kimsa punchawmanmi Jordán mayuta chimpasunchik, Señorninchik Tayta Diospa qowasqanchik allpaman yaykuspa hapikunaykichikpaq, nispa.