Popular Bible Verses from Ezequiel 33

Share

Paykunaman ñoqa Tayta Diospa nisqayta kaynata niy: Ñoqa Tayta Diosmi sutiyrayku kaynata nikichik: Mana allin ruwaq runapa wañunantaqa manam munanichu, aswanqa mana allin ruwasqanmanta wanakuspa kawsakunantam munani. Chaynaqa, Israel miraykuna ¡mana allin kawsasqaykichikmanta wanakuspa kutirikamuwaychik! ¿Imanasqataq huchaykichikpi wañunkichik? nispa.

Runapa churin, qamtam Israelpa mirayninkunata cuidanaykipaq churayki, qanmi uyariwaspayki ñoqapa kamachisqayta paykunaman willanki.

Sichum chayna kawsasqanmanta wanakunanpaq rimapayachkaptiki mana wanakuspanqa, kikinmi huchanmanta wañunqa, qanmi ichaqa mana huchayuq kanki, nispa.

Sichum enemigo hamuqta rikuchkaspa llaqta cuidaq mana trompetata tocanmanchu runakuna alistakunankupaq, chaynapi enemigokuna yaykuramuspa pitapas wañurachiptin chay runa hina huchallanpi wañuruptinqa, llaqta cuidaqtam cuentata mañasaq.

Payqa trompetata uyarichkaspam mana kasukurqachu, chayraykum wañusqanmantaqa kikinpuni huchayuq kanqa. Kasukuspanqa manam wañunmanchu karqa.