Popular Bible Verses from Room 8

Share

Đɩsɩm ḿbʋ́ se Ɛsɔ lakɩ tʋmɩyɛ pɩtɩŋa pɩ-taa se pʋwazɩ mbá pɔsɔɔlɩ-ɩ yɔ. Ḿbá lɛ mbá ɛya-wɛ ɛzɩ ɛɖʋʋ yɔ.

Mbʋ́ pʋyɔɔ yɔ, manawa siŋŋ se: paa sɩm yaa wezuu yaa Ɛsɔ tiyiyaa yaa ɛsɔdaa awiya yaa ɛsɔdaa ɖoŋ yaa mbʋ́ pʋwɛ lɛɛlɛɛyɔ yaa pɩkaɣ kɔm yɔ yaa mbʋ́ pʋwɛ ɛsɔdaa yaa tɛtɛɛ yɔ yaa mbʋ́ Ɛsɔ laba yɔ, pɩ-taa nabʋyʋ ɛɛpɩzɩɣ pɩyasɩ-ɖʋ nɛ Ɛsɔ sɔɔlɩm mbʋ́ ɛtɩŋnɩ ɖa-Kɩpaɣlʋ Krɩstʋ Yesu yɔɔ nɛ ɛwɩlɩ-ɖʋ yɔ.

Ḿbʋ́ ɖɔɖɔ pʋwɛɛ, Fezuu Kiɖeɖeu kɔŋ se kɩsɩnɩ-ɖʋ ɖɛ-ɛjandʋ taa. Mbʋ́ pʋyɔɔ yɔ, ɖɩɩsɩŋ mbʋ́ pʋmʋnaa se ɖɩpɔzɩ ɖɛ-Ɛsɔ sɛʋ taa yɔ. Ɛlɛ́, Fezuu Kiɖeɖeu maɣmaɣ sɛɣ-ɩ nɛ ɖɔ-nɔɔ nɛ kisisiɣ ɛzɩma mbʋ́ pɩfɛyɩ yɔɔdʋʋ yɔ.

Se we ɖɩtasɩɣ yɔɔdʋʋ yɔ? Yee Ɛsɔ ɛwɛ ɖɔ-yɔɔ lɛ, anɩ pʋdʋ ñapɩzɩɣ ekizini-ɖʋ yɔ?

Tɔm ńdʋ́ tɩtɩŋa tɩ-yɔɔ lɛ, lɛɛlɛɛyɔ paatasɩɣ kʋʋ mbá pa nɛ Krɩstʋ Yesu palabɩ nɔɔ kʋɖʋmaɣ yɔ pɔ-tɔm kaʋ.

Yee ɛyʋ ɛnɩɣʋnɩ mbʋ́ pɩkɛdɩnɩ ɛ-maɣmaɣ yɔ yɔ, puwokini-i sɩm taa. Ɛlɛ́, ɛnɩɣʋnɩ mbʋ́ Fezuu Kiɖeɖeu pɔzʋʋ yɔ yɔ, puwokini-i wezuu nɛ laŋhɛzɩyɛ pa-taa.

Ɛlɛ́, pɩtɩŋa payɩ pɩ-taa lɛ, pɩtɩŋnɩ weyi ɛsɔɔlɩ-ɖʋ yɔ ɛ-yɔɔ nɛ ɖɩwa kpaagbaa kpem.

Manawa se kʋñɔŋ ŋgʋ́ ɖɩtɔkɩ lɛɛlɛɛyɔ yɔ, paapɩzɩɣ pamaɣzɩ-kʋ nɛ koboyaɣ ŋgá Ɛsɔ kaɣ-ɖʋ wɩlʋʋ yɔ.

Ɛbɛ pɩzɩɣ pɩlɩzɩ-ɖʋ Krɩstʋ weyi ɛsɔɔlɩ-ɖʋ yɔ e-nesi taa? Kʋñɔŋ naa sɔɔndʋ kadadaɣyaɣ naa wayɩ wɛʋ kaŋ kaŋ naa ñɔɔsɩ naa kʋñɔndʋtʋ naa tɩ lem sɩm nɔɔ taa yaa sɩm?

Peeɖe Ɛsɔ weyi ɛnaɣ ɛyáa laŋa taa yɔ, ɛtɩlɩɣ mbʋ́ e-Fezuu Kiɖeɖeu caɣ pɔzʋʋ yɔ. Mbʋ́ pʋyɔɔ yɔ, kɩsɛɣ-ɩ ɛ-ñɩma yɔɔ ɛzɩ e-liu wɛʋ yɔ.

Mbá patɩŋa payɩ Fezuu Kiɖeɖeu wɩlɩɣ-wɛ nʋmɔʋ yɔ, pɛkɛ Ɛsɔ piya.

Toovenim lɛ, mbá pacakɩ wezuu ɛzɩ pɩkɛdɩnaʋ-wɛ yɔ, panɩɣnɩ mbʋ́ pe-liu wɛɛ yɔ. Ɛlɛ́, mbá paba ñacakɩ-kʋ ɛzɩ pɩkɛdɩnaʋ Fezuu Kiɖeɖeu yɔ, panɩɣnɩ mbʋ́ kaka liu wɛɛ yɔ.

Ɛnʋ weyi etohuuzi ɛ-maɣmaɣ ɛ-Pɩyalʋ yɔɔ nɛ eyele palaa-ɩ ɖatɩŋa payɩ ɖɔ-yɔɔ yɔ, ɛzɩma ɛɛhaɣ-ɖʋ mbʋ́ pɩtɩŋa payɩ pʋwɛ ɛ-cɔlɔ yɔ falaa?

Fezuu Kiɖeɖeu maɣmaɣ heyi-ɖʋ se ɖɩkɛ Ɛsɔ piya. Ɛzɩma mbʋ́ ɖɩkɛ e-piya yɔ, ɖatɩɣyɩɣnɩ ɛ-ñɩm mbʋ́ ɛñɔɔzaa nɛ ɛsɩɩ-ɖʋ yɔ. Đa nɛ Krɩstʋ ɖɩtɩɣyɩɣnɩ-pʋ. Mbʋ́ pʋyɔɔ yɔ, yee ɖa nɛ ɩ ɖɩtɔkɩnɩ ɛ-kʋñɔŋ yɔ, ɖa nɛ ɩ ɖɩkɔŋnɩ wɛʋ ɖɔɖɔ e-koboyaɣ taa.

Mbá panɩɣnɩ mbʋ́ pa-maɣmaɣ pe-liu wɛɛ yɔ, pɛkɛ Ɛsɔ koyindinaa. Mbʋ́ pʋyɔɔ yɔ, paaɖɔŋ Ɛsɔ paɣtʋ yɔɔ. Halɩ paatɩɩpɩzɩɣ pɔɖɔ tɩ-yɔɔ kpem.

Mbʋ́ pɩtɩŋa payɩ Ɛsɔ labɩ kedeŋa yɔɔ yɔ, pɩɖaŋ alɩwaatʋ ndʋ́ Ɛsɔ lɩzɩɣ e-piya nɛ pana-sɩ yɔ kpam.

Ŋgʋ́, ɖɩna mbʋ́ Ɛsɔ labɩ kedeŋa yɔɔ yɔ pɩtɩŋa payɩ, pɩlakɩ kʋñɔŋ nɛ pisisiɣ halɩ nɛ sɔnɔ ɛzɩ halʋ caɣʋ lʋlʋʋ nɛ ɛlakɩ yɔ.