Popular Bible Verses from Room 4

Share

Paa ḿbʋ́, ɛcɔnɩ mbʋ́ Ɛsɔ ɖʋwa se ɛlakɩ-ɩ yɔ lɛ, ɛtapʋtɩ. Ɛlɛ́, e-lidaʋ yele nɛ ɛkpa ɖoŋ nɛ ɛsa Ɛsɔ. Ɛnawa kpem se Ɛsɔ pɩzɩɣ ɛla mbʋ́ ɛɖʋwa se ɛlakɩ yɔ.

Pʋwɛ ɛzɩ pamaʋ Ɛsɔtɔm Takayaɣ taa yɔ. Pamawa se: «Malɩzɩnɩ-ŋ se ŋkɛ ajɛya ndɩ ndɩ taa ñɩma cɔzɔ.» Ɛkɛ ɖɔ-cɔzɔ Ɛsɔ weyi ɛwɛnɩ ɛ-yɔɔ lidaʋ yɔ ɛ-ɛsɩndaa. Ɛnʋ feziɣni sɩɖaa nɛ ɛyɔɔdʋʋ nɛ mbʋ́ pɩtaawɛɛ yɔ, pʋwɛɣ.

Đa-kɩwɛɛkɩm yɔɔ eyeba nɛ pakʋ-ɩ, ɛlɛ́, efezi-i se ɛpɩsɩ-ɖʋ kʋtʋʋzaa.

Abraham kɛwɛnɩ lidaʋ nɛ ɛɖaŋ nɛ ɛkɔɔ ɛkɛ ajɛya ndɩ ndɩ taa ñɩma cɔzɔ ɛzɩ Ɛsɔ keheyuu-i yɔ. Eeheyi-i se: «Ḿbʋ́ ña-sayɩnaa ɖɔʋ.»

Pʋ-yɔɔ lɛ, lidaʋ ŋgʋ́ ɖɩwɛnɩ Ɛsɔ yɔɔ yɔ, kʋ-yɔɔ ɛɖʋwa se ɛlakɩ-ɖʋ pʋyʋ. Ɛlakɩ-ɖʋ-pʋ falaa se pʋwazɩ Abraham sayɩnaa tɩŋa payɩ. Pɩtɛkɛ mbá pɛcɛlɩ-wɛ paɣtʋ yɔ, pe-ɖeke pʋwazɩɣ. Ɛlɛ́, pɩkpɛndɩnɩ mbá pɛwɛnɩ lidaʋ ɖɔɖɔ ɛzɩ ɖɔ-cɔzɔ Abraham yɔ, mbʋ́ pʋyɔɔ yɔ, ɛnʋ lɛ ɖatɩŋa payɩ ɖɔ-cɔzɔ.

«Mbá pɛwɛ koboyaɣ taa yɔ, ḿbá yɔ: mbá payʋsaa nɛ Ɛsɔ kpeɣ-wɛ nɛ ehuuzi pa-kɩwɛɛkɩm yɔɔ yɔ. Weyi ɛwɛ koboyaɣ taa yɔ, ɛnʋ yɔ: Kɩpaɣlʋ takpaɣ ɛ-kɩwɛɛkɩm nɛ ɛ́yáa pʋyʋ.»

Ɛlɛ́, pama Ɛsɔtɔm Takayaɣ taa se: «Abraham wɛnɩ lidaʋ Ɛsɔ yɔɔ yɔɔ, ɛ́lɛ́ kpaɣ-ɩ se ɛkɛ kʋtʋʋzʋ.»