Popular Bible Verses from Room 16

Share

Ŋgʋ́, Ɛsɔ weyi ɛhɛzɩɣ ɛyáa laŋa yɔ, ɛkɔŋ Satanɩ nuutuu alɩwaatʋ pazɩ taa nɛ efiɣni nɛ eluzi-i mɩ-tɛɛ. Đa-Kɩpaɣlʋ Yesu ɛlabɩ-mɩ lootiye.

Man-taabalaa, meheyiɣ-mɩ se ɩkpa mɩ-tɩ nɛ mbá paatisiɣ tɔm ndʋ́ pawɩlɩ-mɩ yɔ nɛ pawɩlɩɣ-mɩ ndʋ́ tɩwɛnɩ ndɩ yɔ. Ḿbá cɛyɩɣnɩ Ɛsɔ ñɩma pe-lidaʋ wɛnaʋ taa nɛ patayɩɣ-wɛ. Ɩtaañɔtɩnɩ-wɛ.

Mbʋ́ pʋyɔɔ yɔ, pɩtɛ ɛyáa ḿbá, paalakɩ ɖa-Kɩpaɣlʋ Krɩstʋ tʋmɩyɛ. Ɛlɛ́, pe-hiliŋ taa ɖeke pɔcɔŋna nɛ palakɩ nɔɔ leleŋ nɛ pɛcɛtɩɣnɩ mbá patasɩmdɩ pʋyʋ yɔ.

Đɩsa Ɛsɔ, mbʋ́ pʋyɔɔ yɔ, ɛpɩzɩɣ ɛha-mɩ ɖoŋ nɛ ɩɖɔkɩ mɩ-tɩ ɛ-nʋmɔʋ taa. Pʋwɛ ɛzɩ paɖʋʋ Laŋhɛzɩyɛ Tɔm ndʋ́ monsusuu nɛ mɛnkɛdɩɣ ɛyáa Yesu Krɩstʋ tɔm yɔ tɩ-taa yɔ. Tɩ-taa ɛwɩlɩ-ɖʋ mbʋ́ pɩɩwɛ mɛsaɣ tɛɛ nɛ ɛtaawɩlɩ-pʋ ɛyáa ɖooo ɛzɩ ɛlabʋ kedeŋa yɔ. Lɛɛlɛɛyɔ pɩtɩŋnɩ tɔm ndʋ́ náyaa mawa yɔ tɩ-yɔɔ nɛ pukuli tɩ-yɔɔ nɛ kedeŋa yɔɔ ɛyáa kpeekpe tɩlɩ-tʋ ɛzɩ ɛnʋ Ɛsɔ weyi ɛwɛ tam yɔ ɛɖʋʋ yɔ. Pɩlabɩ ḿbʋ́ se pɛwɛnɩ lidaʋ Ɛsɔ yɔɔ nɛ pañam-ɩ. Ɛsɔ weyi e-ɖeke koŋ ɛkɛ lɔŋsɩnɖʋ yɔ, ɖɩsam-ɩ tam. Pɩtɩŋnɩ Yesu Krɩstʋ yɔɔ nɛ ɖɩsam-ɩ. Pɩla ḿbʋ́!