Popular Bible Verses from Yohanɛɛsɩ 17

Share

Yele se pɩtɩŋnɩ toovenim yɔɔ nɛ pɛkɛ ña-ñɩma pilim. Ñɔ-tɔm lɛ toovenim.

Ŋgʋ́, wezuu maatɛŋ lɛ se patɩlɩ weyi ña ñe-ɖeke koŋ lɛ Ɛsɔ siŋŋ yɔ nɛ ma Yesu Krɩstʋ weyi ŋtiyaa yɔ.

Pɩtɛkɛ mɔn-tɔmkpɛlɩkɩyaa yɔɔ ɖeke mentendiɣ-ŋ. Ɛlɛ́, mentendiɣ-ŋ ɖɔɖɔ mbá pɩtɩŋɩɣnɩ tɔmkpɛlɩkɩyaa ḿbá pɔ-tɔm susuu yɔɔ nɛ pɛwɛnɩ lidaʋ mɔ-yɔɔ yɔ pɔ-yɔɔ. Mentendiɣ-ŋ se ŋyele nɛ patɩŋa payɩ pala nɔɔ kʋɖʋmaɣ. Caa! Yele ɖa nɛ wɛ ɖɩwɛɛ ɖama taa ɛzɩ ma nɛ ŋ ɖɩwɛʋ ɖama taa yɔ. Ḿbʋ́ wɩlɩɣnɩ kedeŋa ñɩma se ñetiyini-m.

Maatendiɣ-ŋ se ŋkʋsɩ-wɛ kedeŋa yɔɔ, ɛlɛ́, mentendiɣ-ŋ se ŋcɔnɩ pɔ-yɔɔ nɛ Satanɩ ɛtaalabɩ-wɛ pʋyʋ.

Maha-wɛ koboyaɣ ŋgá ŋha-m yɔ se pala nɔɔ kʋɖʋmaɣ ɛzɩ ma nɛ ŋ ɖɩlabʋ yɔ. Ḿbʋ́ ma nɛ wɛ ɖɩwɛɣ ɖama taa nɛ ma nɛ ŋ ɖɩwɛɛ ɖama taa. Mentendiɣ-ŋ se ŋyele nɛ pala nɔɔ kʋɖʋmaɣ siŋŋ nɛ kedeŋa ñɩma tɩlɩ se ñetiyini-m. Đɔɖɔ lɛ, ŋsɔɔlɩ-wɛ ɛzɩ ŋsɔɔlʋʋ-m yɔ.