Popular Bible Verses from Tʋma Labʋ 1

Share

Ɛlɛ́, alɩwaatʋ ndʋ́ Fezuu Kiɖeɖeu tiki mɩ-yɔɔ yɔ, ihikiɣ ɖoŋ nɛ ɩkɛ ma-aseɣɖe tɩnaa Yeruusalɛm tɛtʋ taa nɛ Yudee nɛ Samaarɩɩ pa-ageeta taa nɛ kedeŋa kpeekpe yɔɔ.»

Ecosi-wɛ se: «Pɩtɛkɛ mɩ pʋmʋnaa se ɩtɩlɩ alɩwaatʋ ndʋ́ tɩ-yɔɔ ɖeyi ɖeyi malakɩ ḿbʋ́ yɔ. Caa Ɛsɔ ɖʋnɩ-tʋ nɛ ɛ-maɣmaɣ e-ɖoŋ.

Nakʋyʋ wiye Yesu nɛ e-tiyiyaa pɔtɔkaɣ tɔɔnaɣ. Pɩkɛdaa lɛ, ɛpaɣ-wɛ se: «Ɩtaakʋyɩ Yeruusalɛm nɛ iwolo ɖoli. Ɛlɛ́, ɩɖaŋ mbʋ́ Caa ɖʋwa se ɛhaɣ-mɩ yɔ. Kʋjɔʋ ŋ́gʋ́ kʋ-tɔm maaheyi-mɩ. Mɔntɔzʋʋ-mɩ se Yohanɛɛsɩ labɩ ɛyáa lɩm sɔʋ sɔnzɩ. Ɛlɛ́, pɩkazɩ kɩyakɩŋ pazɩ lɛ, Caa Ɛsɔ ñɔkɔŋ-mɩ labʋ sɔnzɩ nɛ e-Fezuu Kiɖeɖeu ɖoŋ.»

Yesu sɩbʋ wayɩ yɔ, ɛwɩlɩ ɛ-tɩ mbá ɛɛlɩzɩ-wɛ se pɛkɛ e-tiyiyaa yɔ. Ɛwɩlɩ-wɛ nɛ wɛtʋ ndɩ ndɩ se ɛwɛ wezuu. Ɛɛwɩlɩ-wɛ ɛ-tɩ kɩyakɩŋ nɩɩnaza, nɛ kɩyakɩŋ ɩnʋ ɩ-taa, ɛkɛdɩ-wɛ Ɛsɔ kewiyaɣ tɔm.

Yesu tɛm yɔɔdʋʋ ḿbʋ́ lɛ, pɩkpazɩ-ɩ ɛsɔdaa yem nɛ pɔcɔŋnɩ-ɩ ḿbʋ́ nɛ ɛsɔmɩnʋʋ nakʋyʋ wolo kuhuuzi ɛ-yɔɔ nɛ patatasɩ-ɩ naʋ.

Pɔcɔŋaɣnɩ-ɩ ḿbʋ́ lɛ, ɛyáa naalɛ nabɛyɛ tɩlɩʋ pɔ-cɔlɔ yem, posu wondu kʋhʋlʋmtʋ nɛ pɔpɔzʋʋ-wɛ se: «Galilee ñɩma mɩ! Pɩlabɩ ɛzɩma nɛ ɩwɛɛ ɩcɔŋnɩ ɛsɔdaa ḿbʋ́? Yesu ɛnʋ, ɛzɩma mbʋ́ pɩlɩzɩ-ɩ mɩ-hɛkʋ taa nɛ pɩkpazɩ-ɩ ɛsɔdaa nɛ ɩna yɔ, ḿbʋ́ ɖɔɖɔ ɛkɔŋ pɩsʋʋ ɛkɔɔ mɩ-hɛkʋ taa.»