Popular Bible Verses from Bene Loma 8

Share

Tulishi kwaamba ayi Lesa shintu shoonse ulasheensha kabotu kubaabo bamusuni, nkokwaamba ayi abo bantu mbwaakeeta kweelana akubamba kwakwe.

Ceebo ndishinishite kwaamba ayi taaku nceenga catupansaanya alusuno lwakwe Lesa pali ndiswe. Lufu nabi buumi, baanjelo nabi beendeleshi ba kwiculu, shintu sha cecino ciindi nabi shintu sheshi shikaboneke, nabi shili kwiculu nabi panshi lya cishi, taaku cilengwa nabi comwi nceenga catupansaanya alusuno lwakwe Lesa, ulo ndwaatutondesha kwiinda muli Klistu Jesu Mwaami wesu.

Awalo Mushimu Usalashi ulatucafwa mukwiinga tatucite nkusu. Tatwishi mbotweelete kupaila, sombi Mushimu Usalashi ulatusengelaako kuli Lesa mumaswi ataambiki.

Pasheebo shoonse ishi inga twaamboonshi? Na Lesa ulatusuminisha ngani weenga watupikisha? Taaku nabi womwi.

Ono abo bashoma muli Jesu Klistu, Lesa taabapi mulandu.

Ono kusunisha bunene shiyanda mubili kulaletela lufu, sombi kusunisha shiyanda Mushimu Usalashi kulaletela buumi butamaani alimwi aluumuno.

Taaku, sombi mushintu shoonse ishi shitucitikila tulakoma kwiinda muli Klistu utusuni.

Ndishinishite kwaamba ayi mapensho ngotwiindaamo taaelene abulemu Lesa mbweshi akatuyubulwite.

Ino ono nciinshi nceenga catupansaanya alusuno lucite Klistu pali ndiswe? Sa ngamapensho, makatasho, kupenshekwa, nsala, bukandu, shiloondesha nabi lufu?

Mukwiinga Lesa ulabona mumyoyo ya bantu, aboobo uleshiba shitooyanda Mushimu Usalashi. Mukwiinga Mushimu uyu ulasengelako bantu bakwe Lesa kweelana akuyanda kwakwe Lesa mwiine.

Mukwiinga abo batanjililwa aMushimu wakwe Lesa, mbana bakwe Lesa.

Ceebo abo bekala mubuntu baleendeleshekwa asheesho shiyanda mibili yabo. Sombi abo beendeleshekwa aMushimu Usalashi balacita sheesho shisuni Mushimu Usalashi.

Lesa wakabenga Mwanaakwe mwiine ceebo ca ndiswe soonse. Ono na taakwe kukasha Mwanaakwe kupenshekwa, inga waalilwa buyani kutupa shintu shimwi shoonse?

Mushimu wakwe Lesa wiine ulasuminishanya amyoyo yesu ayi tuli bana bakwe Lesa. Ono mbotuli bana bakwe Lesa tulaakuba acoolwe kwiinda mukutambula shintu nshaabambila bantu bakwe. Peculu lya waawo tulaakupekwa pantu pomwi aKlistu isho nshaamubambila Lesa. Ono na twapenshekwa mbuli mbwaakapenshekwa Klistu, swebo tulaakutambula bulemu bweenka mbwaacite.

Aboobo na muntu kaasunibo shiyanda mubili wakwe, ulaba mulwani wakwe Lesa mukwiinga taakonkeli milawo yakwe Lesa, ncakwiila inga taacikoonshi.

Shintu shoonse Lesa nshaakalenga shitoolindila abuumbi kuyubululwa kwa bana bakwe.

Mukwiinga tulishi kwaamba ayi kushikila acecino ciindi, shilengwa shoonse shilapenga kusheesho shicisa bweenka mbuli walutundu mbwaapenga pakutumbuka.