Popular Bible Verses from Bene Loma 6

Share

Ceebo cilambu ca bubi ndufu, sombi cipo cakwe Lesa mbuumi butamaani kwiinda muli Klistu Jesu Mwaami wesu.

Nkokwaamba ayi tamweelete kusuminisha bubi ayi bumweendeleshe ceebo ceendelesha buumi bwanu teshi Milawo, sombi nduse lwakwe Lesa.

Aboobo kwiinda mukubombekwa kwesu, cili anga twakafwa akufukilwa pantu pomwi anguwe kwaamba ayi bweenka Jesu Klistu mbwaakabushikwa kuswa kubafu kwiinda mubulemu bwa nkusu sha baIshi, aswebo twikale mubuumi bupya.

Mutasuminishi cipansha ca mubili wanu nabi comwi kububi ayi cibe citabatisho ca shibiibi, sombi amulyaabe kuli Lesa mbuli bantu bakalinga kufwite, sombi Lesa wabapa buumi. Mulyeelete kulyaaba kuli Lesa kwaamba ayi amusebenseshe mukucita shiluleme.

Tulishi kwaamba ayi buumi bwesu bukulukulu bwakaloba Jesu ndyaakapopwa pamucilingano kwaamba ayi Lesa anyonyoole buumi bwesu bwakusuna kubisha kwaamba ayi tutabi lyobilo basha ba bubi.

Mbweeke ubo amwebo mulyeelete kunooyeeya ayi mulifwite munkusu shakubisha, sombi mulekala mubuumi bwakusangalasha Lesa kwiinda muli Klistu Jesu.

Ino twaambe buyani? Sa tutolelele kubisha kwaamba ayi luse lwakwe Lesa lufulileeko? Sobwe napaceyi! Kweelana amakani abubi swebo twakafwa, ono inga twatolelela buyani kwikala mububi?

Mulishi kabotu kwaamba ayi na muntu walibenga kuba musha wa muntu umwi, ulyeelete kunoomunyumfwila. Nkokwaamba ayi na muli basha ba bubi mulaakufwa. Na mulanyumfwila Lesa, ulaakumululamika pameenso akwe.

Ono tulyeelete kulumba Lesa ceebo pakutaanguna mwakalinga basha ba bubi. Ono bulya mulanyumfwila Lesa amyoyo yoonse kwiinda mukukonkela shalushinisho nshemwakeeishikwa. Bulya mwakaangululwa munkusu sha bubi akuba basha ba bululami.