Popular Bible Verses from Bene Loma 12

Share

Bwikaalo bwanu butabi anga mbwa bantu ba mucishi ca panshi, sombi amusuminishe Lesa kwaamba ayi asandule myoyo yanu kwiinda mukumupa miyeeyo ipya. Lyalo ndyeshi mukeshibe kuyanda kwakwe Lesa, nkokwaamba ayi shintu shibotu, shimukondelesha alimwi shitacite kampenda.

Ono nobamakwesu ceebo Lesa wakatunyumfwila nkumbu abuumbi, ndamusenga kwaamba ayi mulibeenge amyoyo yanu yoonse ayi mube mulambu uumi kuli Lesa, usalalite alimwi umusangalasha. Iyi njenshila yancinencine yakulambililaamo Lesa.

Mulyeelete kunoosangalala ceebo ca ceeco ncemutoolangila, amukalike myoyo muciindi ca makatasho alimwi munoopaila lyoonse.

Paceebo ceeco mutaleeki bubi kwaamba ayi bumukoome, sombi amubukoome kwiinda mukucita shintu shibotu.

Amusunane cancinencine mbuli banabankashi muli Klistu alimwi akunoolibambite kupaana bulemu.

Mulyeelete kuba alusuno lwalushinisho. Amupate bubi akusunisha kucita shintu shibotu.

Na kacikonsheka mulyeelete kwikala muluumuno abantu boonse.

Nobamakwesu bubi tabeelanishi, sombi mwebo amulekelebo Lesa woombolosha akupa mulandu. Kweelana abwaamba Malembo akwe Lesa ayi, “Amubaleeke ndime mboosha shishole, ndaakubapa milandu abalo, mbwaamba Mwaami Lesa.”

Mutabi batolo, sombi amusebense cankusu. Amulibeenge amyoyo yoonse mukusebensela Lesa.

Mukwiinga wa cipo Lesa ncaakampa kwiinda muluse lwakwe, ntoomwaambila ayi mutanoolitukumuna, sombi muliceeshe mumiyeeyo yanu akulibika mpomweelete kweelana alushomo Lesa ndwaakamupa.

Muntu na wakubishisha, webo tooelete kumubishisha. Sombi amweeleshe kucita shibotu shisuminisha bantu boonse.

Kamunyumfwana abantu boonse alimwi mutanoolisumpula, sombi mulyeelete kunoosebensela bamwi. Mutalibiki pabusongo.

Tamweelete kweelanisha bubi, sombi mulyeelete kucita bwaamba Malembo akwe Lesa ayi, “Na mulwani wako wanyumfwa nsala, mutebete, na wanyumfwa nyotwa, mupe cakunwa. Mukwiinga mukucita boobo ulaakumulengesha kunyumfwa nsoni pabubi bwakwe.”

Kamupaila kuli Lesa kwaamba ayi ape coolwe abo bamupensha. Ee, mulyeelete kubasengela coolwe kuteshi mashingo. Amusangalale abaabo basangalete alimwi mulile abaabo batoolila.

Kamupawo bene Klistunyinaanu shintu shiyandika kuli mbabo, alimwi akutambula beensu camaansa obilo mumaandaanu.

Mubili womwi ulicite shipansha shiinji alimwi shoonse ishi shilicite milimo ipusenepusene. Mbweeke ubo, nakubi kwaamba ayi tuli baanji, tuli mubili womwi muli Klistu. Aboobo twakacatanishikwa pantu pomwi bweenka mbuli shipansha sha mubili womwi.