Popular Bible Verses from Mateyo 28

Share

Paceebo ceeco, kamuya mukanokwiisha bantu bamishobo yoonse, mukababombeke muliina lya baTa, alya Mwaana alimwi alya Mushimu Usalashi. Mukabeeishe kukonkela akucita shintu shoonse nshendakamulwiita. Nebo nanooli amwebo lyoonse kushikila kumamanino a cishi.”

Lyalo Jesu wakasena pafwaafwi akubaambila ayi, “Ndapeekwa nkusu shoonse kwiculu alimwi apacishi ca panshi.

Mpomunyaawo munjelo wakaambila banakashi balya ayi, “Mutaloondi! Ndishi kwaamba ayi mutoolangoola Jesu uyo ngobakapopa pamucilingano. Taamo muno, wabushikwa bweenka mbuli mbwaakaamba. Kamwisa mubone mpwaakalinga kulete.

Mpeeke Jesu wakabaambila ayi, “Mutaloondi! Kamuya mukalwiite bamakwesu ayi baye kuGalili uko nkweshi tuye tukakumanine.”

Mpomunyaawo bapailishi banene abamaloba ba baJuda bakabungana pantu pomwi akupangana cakucita. Lyalo bakapa bashilumamba maali aanji akubalwiita ayi, “Mulyeelete kwaamba ayi, ‘Bashikwiiya bakwe besa mukwiipa mutuntu mashiku swebo katulete.’ Ono na mweendeleshi anyumfwe makani aya, swebo tutoomulwiita kabotu kwaamba ayi mutapekwi mulandu.” Aboobo bashilumamba balya bakabwesa maali alya akucita kweelana ambobakalwiitwa. Paceebo ceeco, makani aya alishibikitwe bweenka ubo kubaJuda abobulya.