Popular Bible Verses from Bene Lefi 26

Share

Anu ndaakunooli amwebo akuba Lesa wanu, amwebo mulaakuba bantu bangu.

ndaakumupa mfula paciindi ceelete kwaamba ayi mumyuunda mukaswe shakulya alimwi ashisamu shikacate shisepo.

“Na munookala kweelana amilawo yangu alimwi amilasho yangu

“Ndaakumupa luumuno mucishi canu alimwi mulaakunokoona cakutaloonda muntu nabi womwi. Banyama boonse bakali ndaakubatandaamo, anu teshi mukabewo nkondo alimwi.

Nebo ndaakumupa coolwe abaana baanji alimwi ndaakulama cipangano cili pali ndimwe anebo.

Nebo neMwaami Lesa, Lesa wanu ndakamukusha mucishi ca Ijipiti kwaamba ayi mutakabi basha alimwi. Ndakatyola lijoko lya busha bwanu akulengesha ayi munokweenda cakubula nsoni.”

Nebo ndaakunokala pakati kanu muTente yangu ya Cipangano alimwi teshi nkamufutatileewo.

Lyalo Mwaami Lesa wakaamba ayi, “Mutanoopanga shibumbwabumbwa, nabi shintu sha mabwe, nabi mabwe akubesa ayi munooshilambila. Nebo ndime Mwaami Lesa, Lesa wanu.

Mulaakutebula shakulya shiinji abuumbi isho nsheshi shikamane mwaaka. Nacibi boobo mulaakunoosowa shakulya shamatumba ayi mubikemo sha mwaaka upya.

Bantu bosanwe bamulikoto lyanu balaakukonsha kukoma bali mwaanda, abalo bamulikoto lyanu bali mwaanda balaakukonsha kukoma bali shuulu likumi.

Shakulya shanu shilaakufula cakwaamba ayi paciindi cakuyapa minyansa, mwebo mulaakunoocitebula shili anga ngamaila, apalo paciindi cakushanga shakulya, mulaakunoocilongelabo minyansa. Mulaakuba ashakulya shoonse nshemusuni alimwi mulaakunokala kabotu mucishi canu ico.

Mwebo mulaakukoma balwani banu boonse.

Kamulama nshiku shakookesha sha Shibelu alimwi akulemeka musena usalalite umo momunambilila. Nebo ndime Mwaami Lesa.