Popular Bible Verses from Joni 21

Ndibakamana kulya, Jesu wakeepusha Pita ayi, “Simoni omwanaakwe Joni, sa ulinsuni kwiinda mbobansuni boonse aba?” Pita wakakumbula ayi, “Ee Nkambo, mulishi kwaamba ayi ndimusuni.” Jesu wakamwaambila ayi, “Kosanina mbelele shangu shaana.” Jesu wakeepusha Pita lwabili ayi, “Simoni omwanaakwe Joni, sa ulinsuni?” Alakwe wakakumbula ayi, “Ee Nkambo, mulishi kwaamba ayi ndimusuni.” Lyalo Jesu wakamwaambila ayi, “Kweembela mbelele shangu.” Jesu wakeepusha lyatatu ayi, “Simoni omwanaakwe Joni, sa ulinsuni?” Mpomunyaawo Pita wakoongumana mukwiinga Jesu wakamwiipusha lyatatu ayi, “Sa ulinsuni?” Lyalo wakaamba ayi, “Nkambo, mwebo mulishi shintu shoonse nkokwaamba ayi mulishi ayi ndimusuni!” Jesu wakamwaambila alimwi ayi, “Kosanina mbelele shangu.

Ntookulwiita calushinisho ayi, ndiwakalinga mwanike wakalinga kufwala omwiine akuya nkowakalinga kusuni. Ono waakucembela ulaakutandabikabo maansa, lyalo muntu umwi ulaakukufwalika akukutola nkootasuni.”

Mpomunyaawo wakabaambila ayi, “Amuwaale koombe kululyo lwa bwaato, mulacaya.” Aboobo bakakawaala kulubasu ulo. Mpeeke bakaalilwa kukakwelela mubwaato ceebo mwakacatwa nswi shiinji abuumbi.

Simoni Pita wakaambila bashikwiiya bamwi ayi, “Ntooya mukucaya nswi.” Balo bakakumbula ayi, “Tutooya soonse.” Aboobo bakanyamuka baya abwaato. Nakubi boobo taaku nswi nshibakacaya mashiku oonse ayo.