Popular Bible Verses from Kulonga 32

Share

Ono bantu ndibakabona ayi Mose wacelwa kuswa pakalundu, bakabungana kuli Aloni akumwaambila ayi, “Swebo tatwishi cacitika kuli Mose uyo wakatukusha mucishi ca Ijipiti. Paceebo ceeci tupangile lesa weshi atutanjilile.”

Mpeeke Mwaami Lesa wakaambila Mose ayi, “Seluka onoono ceebo bantu bako abo mbowakakusha mucishi ca Ijipiti, babisha alimwi akunsuula. Baswa kale munshila iyo njendakabalwiita ayi banookonkela. Basungulula golodi akupanga mucende mwaana wa golodi. Bamulambila alimwi akubenga milambu kuli nguwe. Batokwaamba ayi, ‘Nobene Isilaeli, uyu ngolesa wesu, uyo wakatukusha muIjipiti!’ ”

Mpomunyaawo Aloni ndyaakabona boobo, wakayaka cipaililo kunembo lya muceende mwaana wa golodi akwaambilisha ayi, “Ciilo kulaakuba kusekelela kwakulemeka Mwaami Lesa” Ingayi bushiku bwakaboolaawo macuunsacuunsa bantu bakabenga milambu yakutenta alimwi amilambu ya bwanabwankashi. Mpomunyaawo bantu bakekala panshi akutalika kulya akusekelela, uko kwakesa mukuba kwa bucakolwa bupusenepusene alimwi akucita bufuule.

Pabushiku bwakaboolaawo, Mose wakaambila bantu ayi, “Mwacita cibiibi ciyoosha. Sombi bulya ntooya pakalundu alimwi kuMwaami Lesa, mpashi inga wanyumfwila akumulekelela cibiibi canu.”