Popular Bible Verses from ROMAHAY 8

Share

Yo ma na, i sinaka le, Buymisemuŋ a jum jom ng'ar gwat ngi mizli mawuɗakaŋ gar, ɓa a tiri gwat mezle avu taŋ. Taŋ i mizli Buymisemuŋ mizila taŋ ka naŋ mutoho ɓi nah zleˀe.

Haˀaw, i si na le wãˀ gisiŋ, gwat masa wuɗka ndra gu ati Yesu mawuɗ ndra na anta. Ko mucu, ko siifa, ko modro ngi Buymisemuŋhoy, ko gidaŋ mekelemey pal pal, ko hin misi dana ati hin ngi mbuŋ, ko gidaŋ ngi muŋhoy, malla gidaŋ ngi ruwuyoy. Buymisemuŋ muwuɗ ndra, naŋ mibiga ndra di ar ndra mujom ati Buy ndra Yesu Kristu na, a wuzla gwat naŋ miga taŋ gar na, ko mekelem pal mawuɗka ndra ti vaˀa gu anta.

Naŋ kanah ya, ˀUf Mipala kwana, ara so jina ndra, ndra hĩhĩyahaya, asi i sinaka tumbulo Buymisemuŋ ti jiviɗ naŋ ta. Amma ˀUf Mipal ti hirnga naŋ, ara tumbulo Buymisemuŋ vur ndra ti niˀic maɓi ɗaˀ ɗaˀ ti mi gu ta.

Ani, i ɓam mbri aruŋ maka? Da Buymisemuŋ i ngi ndra na, magi mesene ti ndra gu, i waka?

Wurenna, mizli mujumom le ati Yesu Kristu na, Buymisemuŋ anta ga taŋ kiita mata.

Sipi gwat kpak ngi vu mawuɗo, aru ti mburo ng'ar mucu. Amma sipi gwat ˀUf Mipal mawuɗo, aru ti mburo ng'ar siifa waɗ ng'ar zuy.

Amma angi nah gar na, i lumam bugawla le wãˀ tisi mbur muwuɗ ndra na.

Yi wa na, bonoy, ndra masaka angi hin muwurenna na, anta wam weˀ le ati dudok Buymisemuŋ masa njika ndra di tumbuŋ na ta wãˀ.

Masa wuɗka ndra gu ati Kristu mawuɗ ndra na, i waka? Bonoy kwa? Lik kwa? Sipi vu minder nder kwa? May kwa? Murga kwa? Mendere kwa? Malla muc kwa?

Joˀ Buymisemuŋ mapura mevel ngi mizli na, a si na gwat ˀUf Mipal mawuɗo. Naŋ kine, ˀUf madir dibiɗ ar deɗe ngi mizli ngi Buymisemuŋhoy na, a dira kasl kasl kaɓa Buymisemuŋ mawuɗo.

Naŋ kine, mizli tayna gar masipam jiviɗ ˀUf Mipal mawuɗ na, taŋ i ziri ngi Buymisemuŋhoy.

Naŋ kine, mizli muluɓ luɓ avu kpak ngi vu taŋ na, a sipam di i gwat kpak ngi vu taŋ mawuɗo. Amma mizli muluɓ luɓ avu ˀUf Mipala kwana, a sipam di i gwat ˀUf Mipal mawuɗ aya.

Ko Buymisemuŋ a sli himaˀ ti Mangal nga naŋ ta, amma a vula, a gi di mikuli vur ndra gar. A sa gi mbri ɓa a sa vula ndra gwat gar tisi Mangal naŋ ta ka?

ˀUf Mipal vuna a ɓa membezleŋ ngi vu ndra njah: Ndr'i ziri ngi Buymisemuŋhoy. Ndr'i ziri naŋhay, yo ndr'i muzuma hayay, muzuma hay ngi Buymisemuŋ jom ati Kristu ya. Asi da i ra sam bonoy jom ati Kristu na, i sa lumam dudok mupurla ka nga naŋ na ya.

Asi gi gwat kpak ngi vu mawuɗo, a tiri ti mburo, i mesene ngi Buymisemuŋ. N'anta hin hirnga a mbuŋ ɓimujuwa ta. A ja ɓi nah gu vuna ta si.

Asi hin Buymisemuŋ masa biga dudok naŋ da ziri naŋhay na, gwat naŋ miga taŋ gar ara kutuko pas naŋ ti yam ar gojogoɗo.

Naŋ kine, i sinaka le, hã dana, gwat Buymisemuŋ miga gar na, ara niˀic aruŋ, ara si bonoy kaɓa ngwas mayi.