Popular Bible Verses from ROMAHAY 11

Share

Asi gwat gar a so ti vaˀaŋ. Gwat misi ada gar na vurˀeŋ, yo inga naŋhay. Dudok inga naŋ ma, hã ngi sete! Amin.

Yawwa! Buymisemuŋ naŋ ti zlili haɗi wãˀ! Sin naŋ mijileŋ ati sin naŋ ngi gi gwata, taŋ jileŋ haɗi! Wuluk naŋ mujuwa le a mevele na, maɓa mbiɗeˀvra naŋ gu, i waka? Gwat naŋ miɗiya jiviɗ naŋ le na, masla wala naŋ gu, i waka?

Ɓimutoho a ɓi: «Misina wuluk ngi Buymisemuŋ, i waka? Malla mangilaŋ wuy gu, i waka?

Angi hin misi ani na, naŋ kanah ya, mizli Buymisemuŋ muwuna taŋ asi gimezle naŋ na, a ndiram le neˀe. Buymisemuŋ muwuna mizli na, asi gimezle naŋ, anta asi gwat ngi gi taŋ ta. Da Buymisemuŋ a wuna mizli asi gwat ngi gi taŋ zleˀe na, naɓa gimezle ngi Buymisemuŋ i gimezle migisiŋ ta.

Mizli Yudeheye, taŋ kaɓa tutumbur Buymisemuŋ mihirva ti hirvi. Mihaŋ naŋ mekelemeye, a kilahaka taŋ le avra. Ka, mbur Yude ta na, ka kaɓa mihaŋ ngi tutumbur ngi ɓuh mujuɓukuw ti juɓ angi li taŋ, ɓa ki cir tisi slaslalak ngi widis mihirvaka ti hirvi tuwa. Anja ki wa vu ɗike kaɓa ki funa mihaŋ mikilahaka taŋ le avra na ta. Ki huhumvu gu mbri mbrike? Majaha slaslalaka, i ka ta, amma i slaslalak majuhuw ka jaka.