Popular Bible Verses from BI NGI ISRAYELEY 7

Share

Amma Bumbulvuŋ a ɓa Moyise: «I cufuw le, ka kaɓa buymisemuŋ, avu buy madiɗa ngi Ezipte, yo sukum ɗik Aroŋ kwana i mijiviɗ ɗiki.

Amma ya, i sa ga ɓa buy Ezipte a tiri misi hirnga gidaŋ. I sa gi gwat mabugam gwatay ati gwat migam ɗaˀ tahay ti vendeke a hirwuy Ezipte. Gar ti nah kwana, buy Ezipte anta sa cunukum di ta. I sa wusa Ezipte, yo mizli ɗuwoy, Israyeley na, i sa bo taŋ ti hirwuy Ezipte ti gidaŋ ɗu ngi wi mizli.

Ti ya masa zuɓa haŋ ɗu ng'ar Eziptehey, yo ya masa bo ti Israyeley ti wuzla taŋ na, akẽh Eziptehey a sa sinaka Bumbulvuŋ i ya.»

Amma buy Ezipte kwana, a zilo misi sinmijileŋhey ati misi keteleheye, joˀ misi ketele ngi hirwuy Ezipte tayna, a gam gwat misi purla ti ketele taŋ tuwa ya. Mbur gar a hiziga ganday nga naŋ, a tiri kaw. Amma ganday ngi Aroŋ a nda ganday taŋhaya suɗuk suɗuk.

Vurˀe, Bumbulvuŋ a ɓuw na: I sa kiɗa yam ngir mizawa ti ganday misi a haŋ ɗu na, yam a sa tiri pumbusu. Ki sa si na yi Bumbulvuŋ na, ava.

Da buy Ezipte a ɓukum le: «gam gwat migi ɗaˀ ta na, kisa ɓa Aroŋ: zuɓa ganday ɗike, hiziga nga mbuŋ buy Ezipte, ganday a sa tiri kaw!» Moyis ati Aroŋ a ram ngi hay buy Ezipte, a gaka kaɓa Bumbulvuŋ miɓa taŋ di tuwa. Aroŋ a hiziga ganday naŋ a mbuŋ buy Ezipte ati gawla naŋhaya, joˀ ganday tuwa, a tiri kaw.