Popular Bible Verses from SLRA 2

Share

Piyer a mbiɗa taŋ di: «Mbiɗaka mevel kumoyo, anja mbur gar a ci ar yam ti slimiɗ ngi Yesu Kristu, ɓa mungra kumoy a puyam avra, yo ɓa kisa lumam gwat ngatara ngi Buymisemuŋ, i ˀUf naŋ Mipal.

A ndiram deŋ ti deŋ ngi cine ɓi ngi misliney madubunaka taŋ di, waɗ ngi jumoˀay taŋ purla kaɓa sukumuŋhoy, ngi wunka gwat ngi zum jom ar leˀe, yo ngi diradibiɗe ma gar.

ˀUf Mipal a naha taŋ le gar, a zlaka a ɓam ti mi mekelemey, kaɓa ˀUf Mipal vuna muvula taŋ di ɓa a ɓam di.

Gurjik si na, hurum ngi gwat a so paɗ a muŋ kaɓa hurum ngi burkataŋ gambara, a naha hay taŋ misi anga tuwa gar. Yo a puram gwat kaɓa irne ngi vu, a wuɗuk njilim njilim, a hirnga taŋ purla purla gar. ˀUf Mipal a naha taŋ le gar, a zlaka a ɓam ti mi mekelemey, kaɓa ˀUf Mipal vuna muvula taŋ di ɓa a ɓam di.

Vur hin gar na, a ndiram deŋ ti deŋ ar hay ngi Bumbulvuŋ a Zerusaleme, taŋ ti mevel purla. A hay taŋhaya, a zumaka ɗafa jom ar leˀe, a zumaka ti mumul, yo ti mevel mezle. A hunumaka Buymisemuŋ, yo mizli keɗeɗe gar ara hĩyãka taŋ. Vur hin gar na, Bumbulvuŋ ara ko mizli milahahay nga wuzla taŋ.

«Buymisemuŋ a ɓi: ‹Gwat masa gi angi hin ngi dirbahay ani: I sa slino ˀUf ɗu a hirnga mizli gar: Ziri kum mizilehey ati mongosohoy, a sa tiram mijiviɗ ɗuwoy, ziri gawla ati diili kumoy, a sa puram gwat ti kleŋ, mizli midigila kumoy a sa musuwunam.

Mizli mitiram mitiɓihey gar na, taŋ jom ar leˀe, yo a jumoko gwat taŋhay gar ar li purla. A hiɗikaka gwat taŋhay ati zlili taŋhay avra, ɓa a wunkaka dala nah ar wala taŋ gar, weˀe avu gir ngi mburo.

Yo ko wa gar, mazila slimiɗ ngi Buymisemuŋ na, a sa lih.›

Pas a sa mbiɗi, a go luvuŋ, kiya a sa mbiɗi ndez ka pumbusu. Hana gar na, a sa gi dumbuŋ angi hin ngi Bumbulvuŋ, hin madiɗa misi ti dudok masa sawa.