Popular Bible Verses from Sáni Markusï 6

Share

Ka ima arhiaspti: –Ju je támu niárani, mintsikorheni sáni, jima enka nónema jámka. Jimpokaksï t'ireni jamperi no antak'orhesïrempka, enka xáni niáranhempka.

Ka Jesusi arhiaspti: –Diósïri uantari ma, iápuru isï janhanharhinhasïnti ka sési eronhani, imeri iretarhuk'u nómpe, ka ni chénjempo.

Enka Jesusi icharhutarhu kétsepka, xép'espti eska uánenhaspka ka p'amok'pespti, jimpokaksï ísï jámsïrempka eska karichicha enkaksï no kánkorhek'a karichi erankutini, ka mámaru ampe jurhentpespti.

Ka jima, no uánekua p'amenchatichani ampakerantaaspti, namontkusï ampakerant'aapti p'áts'ïkuaparini, ka jima nóteru ma milagru úspti úni. Ka Jesusi eratsentani pakareraspti enkaksï no jakak'ukuempka. Ka Jesusi nirasïrempti jurhentpeni iretecharhu enkaksï jimak'u isï jápka.

Tátsekua, Jesusi kurhinta ka kuruchechani p'íkuaspti ka úch'akuraaspti jini erancheparini, tátsekua k'urhinta ústaspti, ka jurhenkorherichani etsakutaraaspti. Ka iámentuechaksï uiniarhantaspti t'ireni; ka imani kurhinteri ka kurucheriksï, témpeni tsimani tsïkiata uiniriksï pakarata tánantaspti