Popular Bible Verses from Sáni Mateo 7

Share

“Kurhak'orhe ka intsïnhaakari, jirinhantsï ka xéntaakari, uámuta ka mítamenhaakari

jimpoka ne enka kurhak'orhek'a intsïnhasïnti, ka ne nema enka jirinhantak'a xéntasïnti ka ne nema enka uámutatspek'a mítamenhasïnti.”

“Ima enkarini kurhak'a ka jucheti uantakuechani marhuataani, acheti míakua jukari ma jinkuni terukutant'a'sïnka enka k'umanchekua úni jámani tsakapurhu karhakua píts'ïtaka.

“Ísï jimpo néna enkats'ï uék'a eskats'ï kánhaaka, ísï kámpe je, jimpoka ísïska juramukuani kurhach'ani ka Diósïri uantarichani kurhach'aani.”

k'óru no kómukurhasti ka no kórurhasti ima xanhari enka tsípekuarhu pérpek'a ka namuntkuksïsï xéntat'i.”

“Jimesï incha enka no kómukurhaka, jimpoka uanhenhaska enkaksï jimesï inchak'a enka kómukuarhaka, ka enkaksï ima xanhari kóstini jatak'a enka tsînchetpek'a

Ekachkats'ï cha nóampakeparini, jurhenaka chári uátsïtichani ampakiti ampe íntsaani, ¡Náxanteru ampakiti ampe íntsaua chári Táte enka auantarhu jaka imechani enkaksï kurhakuaka!”

“Ásï jáma je arhinhchpeni ka chát'uts'ï no arhinhchanhantaaka, jimpoka ampe enkats'ï cha arhinhchpeaka, mák'uentsï arhinhchanhantaaka ka ampe enkari útspeaka méntkuenti k'uanhaskumenhantaaka.

K'óru ima enkarini íni uantakuechani kurhach'ani jaka ka no marhuataani, acheti no míakua jukari ma jinkuni terukutant'a'sïnka enka k'umanchekuani kutsarintu úpka.

¿Nénari chéti erachini tekaasïni jarhuatani enka echenharhitini jaka, ka t'úri no exekorheni kostiasïni enkari jukanharhitini jaka? ¿Nénari jimposï tekaak'i chéti erachini arhini? ‘Jurak'ukini p'ínharhikuntani ampe enkakini echenharhitaka’ ka jiniri t'u kostiasïni jukanharhitini jarhani.

“Jinkuntku jáma je diósïri uantari eratakorherichani jinkuni, enkaksïni karichini járhantatini janochek'a ka k'óruksï incharini jiuatsïni apep'entspitini. Imecheri jánkua jimpots'ï míteantaauaka. ¿Anti tsïtunirhu úba p'ikunhantasïnki o tsurhumurhu jígusï p'ikunhantasïnki?

Ísï jimpo, jarhasti ampakiti anhatapu enka ampakiti amanhech'akua jukak'a, ka ístu jarhasti anhatapu enka no ampakiti amanhech'akua jukak'a.

No úati anhatapu ampakiti no ampakiti amanhech'akua jukani, ka nót'u úati no ampakiti anhatapu ampakiti amanhech'akua jukani.

Náki uék'i anhatapu ma enka no áspiti amanhech'akua jukak'a, ch'apanhasïnti ka kurhinhantani.