Popular Bible Verses from Tt 3

Share

A'ut naq kixk'ut rib' li rusilal ut li qaraab'al xb'aan li Yos laj Kolol qe, a'an kooxkol maawa' xb'aan ta xtiikilal li k'anjel uxb'il qab'aan, sa' xk'ab'a' b'an li xnimal ruxtaan, rik'in li kub'iha' li naxyoob'tesi ut narak'ob'resi li qayu'am, rik'in li Santil Musiq'ej li kihoye'k sa' qab'een chi numtajenaq sa' xk'ab'a' li Jesukriist laj Kolol qe, re naq tiikob'resinb'ilaq qach'ool xb'aan li rusilal ut taaqeechani li junelik yu'am rik'in li loq'laj oyb'enink.

Chajultika reheb' laj paab'anel naq che'paab'anq chiruheb' laj taqlanel ut li wankeb' sa' xwankil; che'ab'inq ut yo'oon wanqeb' re xb'aanunkil chixjunil li chaab'il k'anjel. Me'xhob' anihaq, maawa'aqeb' aj yoob'anel ch'a'ajkilal, q'unaqeb' b'an xch'ool ut che'wanq tz'aqal sa' tuulanil chiruheb' chixjunil.

Ab'an li patz'ink li maak'a' rajb'al, li xtz'ilb'al rix xk'ab'a'eb' li qaxe' qatoon, li wech'ij ib' ut li choqink chirix xChaq'rab' laj Moisés, maab'aanu a'an xb'aan naq maak'a' na'ok wi' ut maak'a' rajb'al.

Laj po'ol paab'aal, naq ak xaq'us jun wa ka'wa, maawaatina chik