Popular Bible Verses from Mk 4

Share

Li Jesus ki'ajk ru, kixq'us li iq' ut kixye re li palaw: —Matchoqink! Ch'anaqat! Kich'anaak li iq' ut kichalk jun nimla tuqtuukilal. Chirix chik a'an kixye li Jesus reheb' li xtzolom: —K'a'ut naq k'ajo' leexiw? K'a'ut naq maak'a' eepaab'aal?

Ut jun nimla xiw ki'ok sa' xch'ooleb', neke'xye chirib'ileb' rib': —Ani put a'in naq a'atq li iq' ut li palaw neke'paab'ank chiru?

Li Jesus wank chi ixb'ej, yo chi wark chi xb'een xsok xjolom. Ke'rajsi ut ke'xye re: —At Tzolonel! Ma maak'a' nakawaj wi' naq too'oso'q?

Kixye ajwi' reheb': “K'ehomaq reetal li yookex chi rab'inkil. Rik'in li b'isleb' nekexb'isok wi', texb'ise'q ajwi' laa'ex, ut taak'eemanq chik xtz'aqob'.

Kixye ajwi' reheb': “Jo'ka'in li xnimajwal awab'ejihom li Yos: kama' jun li winq kixhir li iyaj sa' ch'och'. Taawarq malaj taawakliiq, chi q'eq malaj chi kutan, li iyaj nayo'laak, nak'iik, chi moko a'an naxnaw chan ta wi' ru.

Ani wank xxik re ab'ink, chi'ab'inq”.