Popular Bible Verses from Dt 28

Share

“Wi relik chi yaal naq laa'at taapaab' xyaab' xkux li Qaawa' laaYos ut taak'anjela ru chi chaab'il chixjunil li chaq'rab' ok we chi xyeeb'al aawe sa' li kutan a'in, li Qaawa' laaYos tixterq'usi laawankil sa' xb'een chixjunileb' li tenamit li wankeb' sa' ruuchich'och'

ut te'chalq sa' aab'een ut tulate'xtaw chixjunileb' li rosob'tesihom li Yos, sa' xk'ab'a' rab'inkil xyaab' xkux li Qaawa' laaYos.

Li Qaawa' tatxk'e chi uub'ej, moko tatxk'e ta chi ixb'ej. Junelik tatk'amoq b'e ut maajun wa k'amb'ilaq aab'e, wi nakapaab' li xchaq'rab' li Qaawa' laaYos rik'in xk'uulankil sa' aach'ool ut xk'anjelankil ru li yookin chi xyeeb'al aawe anaqwan

Li Qaawa' tixte chawu li choxa b'arwi' k'uulanb'il li xb'ihomal, ut naq taawulaq xkutankil, tixk'e chaq li hab' sa' xb'een li ruuchich'och' re rosob'tesinkil chixjunil laak'anjel. Taak'eheb' xto' naab'al chi tenamit ut laa'at ink'a' tatpatz'oq to'.

“Naq eb' li xik' neke'ilok aawe te'wakliiq chaq sa' aab'een, li Qaawa' tixsacheb' ru: sa' jun ruq'b'e te'elq chaq chak'ulb'al, ut sa' wuqub' chik ruq'b'e te'eleliq chawu.

“Li Qaawa' tixtaqla chaq li rosob'tesihom aawik'in, sa' xb'eeneb' laak'uuleb'aal ixim ut sa'atqeb' chixjunil li k'anjel taab'aanu, ut tatrosob'tesi sa' li ch'och' tixk'e aawe li Qaawa' laaYos.

Osob'tesinb'ilaqat naq tat-ok ut osob'tesinb'ilaqat naq tat-elq.

Osob'tesinb'ilaqat sa' li tenamit ut osob'tesinb'ilaqat sa' li k'aleb'aal.

Osob'tesinb'ilaq laawalal jo' ajwi' li taaruuchini laach'och' ut eb' li ral laaketomq, li ral laawakax ut li ral laakarneer.

“Li Qaawa' tatxxaqab' cho'q loq'laj tenamit, kama' xyehom aawe sa' jurament, wi taapaab' li xchaq'rab' li Qaawa' laaYos ut taataaqe li xb'e.

Osob'tesinb'ilaq laachakach ut laak'uuleb'aal.

Li Qaawa' tixk'e aawe li chaab'il eechej chi numtajenaq: tixk'e naab'al laawalal laak'ajol, jo'wi' laawakax ut laawawimq, chiru li ch'och' kixyeechi'i reheb' laana' laayuwa' chaweechani laa'at.

Toja' naq chixjunileb' li tenamit li wankatqeb' sa' ruuchich'och' te'ril naq sa' aab'een laa'at yaab'anb'il li xk'ab'a' li Qaawa', ut tate'xxiwa.

wi ink'a' taajach aawib' rik'ineb' li aatin nakatintaqla wi' anaqwan, chi moko sa' aaseeb'al chi moko sa' aatz'e. Matxik chirixeb' li jalanil yos re xk'anjelankil ruheb'.

“Ab'anan wi ink'a' taawab'i xyaab' xkux li Qaawa' laaYos ut wi ink'a' taapaab' ut taak'anjela ru chixjunil li xchaq'rab' li yookin chi xyeeb'al aawe anaqwan, te'chalq sa' aab'een chi numtajenaq chixjunileb' li rahilal a'in