Popular Bible Verses from 2 Pe 3

Share

Li Qaawa' ink'a' nab'ayk chi xk'eeb'al li b'arwan kixyeechi'i. Wankeb' neke'k'oxlank re naq yo chi b'ayk, ab'an moko yaal ta. Nim xkuyum li Yos eerik'in; ink'a' naraj naq taasachq junaq, naraj b'an naq chixjunileb' te'yot'e'q xch'ool ut te'xjal xk'a'uxl.

Ex was wiitz'in raarookex inb'aan, jun li na'leb' tento xnawb'al: naq chiru li Yos jun kutan a'an jo' jun mil chihab', ut jun mil chihab' a'an jo' jun kutan.

Chexk'iiq sa' rusilal li Qaawa' rik'in xnawb'al ru li Jesukriist, laj Kolol qe. Rehaq taxaq li loq'al, anaqwan toj sa' li kutan ink'a' nalajk na'oso'k. Jo'kan taxaq.

Li xkutankil li Qaawa' tol'elq jo' junaq aj elq'. Sa' li kutan a'an tenloq xyaab' li choxa naq taa'oso'q. Li k'a'aq re ru nak'uub'ank re li ruuchich'och' te'oso'q sa' xam; li ch'och' ut chixjunil li wank chisa' taak'atq.

Rik'in naq chixjunil li k'a'aq re ru a'in te'oso'q chi jo'kan, tento naq wanqex sa' santilal ut rik'in paab'ank; tento naq teeroyb'eni ut teeseeb'a xchalik li xkutankil li Yos naq taa'oso'q li choxa sa' xam, ut chixjunil li wank chisa' taak'atq ut taaha'lesiiq.