Popular Bible Verses from Mateo 15

Share

Napoaponahuëꞌ, cancanëma quëran co noyahuëꞌ yonquihuatamara, co noyahuëꞌ nonamaꞌ. Ina marëꞌ oshahuanamaꞌ. Co noyahuëꞌ yonquihuatamara, tëpatëramaꞌ, nitëhuananpitëramaꞌ, monshihuanacasoáchin yonquiramaꞌ, ihuatëramaꞌ, nonpintëramaꞌ, pinotëramaꞌ.

Coshatërëso marëꞌ co oshahuanëhuëꞌ. Cancanënpoa quëran yonquirëso marëꞌ oshahuanëhuasoꞌ. Tëhuënchachin co noyahuëꞌ nonpatëra, oshahuanëꞌ, itërin.

Yosë naporin: “Isopita piyapiꞌsaꞌ nanamëna quëran noya nontopirinacohuëꞌ, co cancanëna quëran imarinacohuëꞌ. Co ca pochin cancantopihuëꞌ. ‘Yosë pënëntërinsoꞌ aꞌchinarai,’ topirinahuëꞌ, inahuara yonquinëna quëran aꞌchinpi. Napoaton topinan quëran chinotërinaco,” tënin Yosë. Iráca Isaiasë ninshitaton naporin, itërin Quisosori.

—¡Ma noya imoya natëranco! Yaꞌipi cancanën quëran huarëꞌ natëranco niꞌton, huaꞌhuan anoyachinquën, itërin. Napotohuachina, aꞌnaroáchin huaꞌhuin noyatërin huachi.

Sanapiso nipirinhuëꞌ, isonquirahuaton moshaquirin. —Nisha sanapico nipirahuëꞌ, cantaꞌ Sinioro catahuaco, topirahuëꞌ, itërin. —Niꞌquëꞌ imoya. Huaꞌhuaroꞌsaꞌ aꞌcahuatëra, co cosharonën osërëtahuatëꞌ niꞌnira aꞌcarëhuëꞌ, itërin Quisosori. —Naporin mini Sinioro. Napoaponahuëꞌ, piꞌpian tërantaꞌ cosharoꞌ atatohuachina, niꞌniraꞌhuayari capitërin niꞌton, quiyantaꞌ catahuacoi, topirahuëꞌ, tënin.