Popular Bible Verses from Levítico 19

Share

Ama canpita capini ninoꞌhuitoma niiꞌhuërëtocosohuëꞌ. Canpitaora ninosororamaso pochachin aꞌnapitantaꞌ, nosorocoꞌ. Ca Sinioroco napotaranquëmaꞌ.

Nichimiantohuatamaꞌ, ama canpitaso niyaꞌitocosohuëꞌ. Co shinoratë tëranta yaquicaso yaꞌhuërinhuëꞌ. Co máquëma tëranta ina marëꞌ niyanocamaso yaꞌhuërinhuëꞌ. Naporahuaton ama nonëmaquë marca pochin, maꞌsha nonancosohuëꞌ. Ca Sinioroco napotaranquëmaꞌ.

“Apira napotaranquënsoꞌ, yaꞌipi israiroꞌsa shaꞌhuitëquëꞌ: Caso Yosëco noyasáchin ninahuë. Napoaton canpitantaꞌ, noyasáchin nicoꞌ.

Aꞌna piyapi tëhuëtohuachinquën, ama cancanën quëran noꞌhuiráquësohuëꞌ. Aꞌna piyapi tëhuëhuachin, noꞌtëquën pënënamaso yaꞌhuërin. Co pënënpatanhuëꞌ, quëmarinta catahuaran oshahuanacasoꞌ.

Ama chimipiroꞌsa përahuaꞌyancosohuëꞌ. Ama pënotonquë maꞌsha nitotacaso marëꞌ pacosohuëꞌ. Ina pochin nipatamaꞌ, amirotochináchin nisaramaꞌ. Caso Yosëco napotaranquëma niꞌton, natëco.

Ama nanan paꞌyatocosohuëꞌ. Aꞌna piyapi yatëparahuachinaꞌ, ama catahuatëquësohuëꞌ. Ca Sinioroco napotaranquëmaꞌ.