Popular Bible Verses from Jueces 6

Share

Inapoasoꞌ, Sinioro anquëninëni yaꞌnotahuaton itapon: —Quëmasoꞌ chiníquën mashonquën. Naporahuaton, chiníquën cancantëran. ¡Sinioro chachin catahuararinquën! itërin.

Napotohuachina Siniorori niꞌsarin quëran itapon: —Matianoꞌsa aparisitarinquëmaꞌ. Napoaponahuëꞌ, quëmari inapita quëran quëmopinënpita nichaꞌëquëꞌ. Chiníquënquën niꞌton, nanitapapon. Carinquën chachin camaiaranquën, itërin.

—Carinquën catahuaranquën niꞌton, noya nanitapaaran. Aꞌnaíchin quëmapi minsërëso pochin, yaꞌipi matianoꞌsa minsëaran, itërin Siniorori.

—¡Maꞌcha Sinioro napotaranquën paya! ¡Tëhuënchachin Sinioro catahuararincoi naporini, co poꞌsáitoihuëꞌ! Iráca shimashonëhuëipita Iquipito quëran ocoirin. Ocoicaso marëꞌ chiníquën nanantaton nani maꞌsha ninin. ¡Iporaso nipirinhuëꞌ co huachi inaporinhuëꞌ! Sinioro aꞌporahuatoncoi aparisitiincoiso marëꞌ matianoꞌsa catahuarin, itërin Quitionori.

Quitionoso napoaponahuëꞌ, naquëranchin taantapon: —¡Maꞌcha Sinioro napotaantaranquën paya! ¿Maquëcha israiroꞌsa nichaꞌërëꞌpoya? Yaꞌipi Manasisi huënton quëran, quiya huëntoaꞌhuayasoꞌ, naꞌcon popriyatërai. Naporahuaton yaꞌipi quëmopinëhuëpita quëran ca naꞌcon naꞌconsoꞌ maꞌsha pahuantërinco, itërin.

Naporoꞌ Sinioro anquëninën oꞌmarin. Oꞌmarahuaton Opra ninanoquë paꞌnin. Ina yaꞌcariꞌ, aꞌnara insina nara yaꞌhuërin. Coasë itopisoꞌ noꞌpanënquë yaꞌhuërin. Ina insinasoquë huënsërin. Coasësoꞌ, Apisiro huëntonaꞌhua quëmapi. Inasoꞌ, aꞌnara huiꞌnin yaꞌhuëtërin Quitiono itërin. Naporo tahuëri inasoꞌ, trico toꞌnorarinsoꞌ paꞌtanayararin. Opa toꞌpoipiquë inapotarin. Ama matianoꞌsari quënanacaiso marëhuëꞌ naꞌpiton sacatarin.

Napotohuachina Quitionosoꞌ aꞌnara artaro inaquë ninin. Sinioro chinotacaso marëꞌ ninin. Nani nisahuaton aninihuanin: “Sinioro asanocancaninpoaꞌ,” itërin. Ina artarosoꞌ, iso quirica ninshitasoco huarënta yaꞌhuërarin. Opra ninanoquë yaꞌhuërarin. Inaquësoꞌ, Apisiro huëntonaꞌhua israiroꞌsa yaꞌhuëpi.

—Tëhuënchachin nosorohuatancosoꞌ, Yosënquën ninansoꞌ anitotoco. Ofrendanëhuë apira quësarahuë. Ina aꞌnotaꞌhuanquënso marëꞌ ninaco topirahuë, itërin Quitionori. —Inta nipachin, isëranchin ninaranquën, itërin Siniorori.

Siniororiso nipirinhuëꞌ, itapon: —Ama paꞌyanquësohuëꞌ. Co chiminaponhuëꞌ. Caso sano cancantërahuë. Inapochachin quëmanta sano cancantëquëꞌ, itërin.

Israiroꞌsasoꞌ, co noyahuëꞌ niantapi. Siniorori chachin niꞌsápirinhuëꞌ, napoantapi. Napopiso marëꞌ Siniorori matianoꞌsa catahuarin niꞌton, israiroꞌsa minsëipi. Minsërahuatona canchisë piꞌipi huaꞌanëntopi.