Popular Bible Verses from Éxodo 8

Share

Iquipito pënotonoꞌsantaꞌ, pënotatona ico yaanaꞌatopirinahuëꞌ, co nanitopihuëꞌ. Icori, piyapiꞌsaꞌ, maꞌsharoꞌsaꞌ, inapita aparisitapi. Napoaton pënotonoꞌsasoꞌ copirno nontapona paꞌpi: “¡Yosë nohuanton poꞌsarëhuaꞌ!” itopi. Napotopirinahuëꞌ, Yosë naporinso chachin, Iquipito copirnoso co natëtërinhuëꞌ.

Naporoꞌ Yosëri Moisësë itaantapon: —Paaton copirno nontaantaquëꞌ: “Piyapinëhuëpita chinotinacoso marëꞌ inotëro parti aꞌpaquë paꞌinaꞌ.

Napoaponahuëꞌ, Yosë naporinso chachin nani huarira inquitohuachina copirnosoꞌ, Moisësë, Aaron, inapita co natërinhuëꞌ. Co natantochináchinhuëꞌ cancantaton co israiroꞌsa yaaꞌparinhuëꞌ.

Coꞌsoꞌ aꞌpahuatanhuëꞌ, yaꞌipi yaꞌhuërama parti huarira huëcapaiarinquëmaꞌ.

Naquëranchin Yosëri, Moisësë itapon: “Aaron shaꞌhuitëquëꞌ: Huaranën quëran, noꞌpaquë amocan yaꞌhuërinso ahuëꞌin. Inapohuachin, yaꞌipi Iquipito roꞌtëquë ico naꞌapon huachi,” itërin.

Shaꞌhuitërinso chachin, Yosë ninin. Paꞌpi notohuaroꞌ tonca anaꞌatahuaton, aꞌparin. Copirno, ina catahuapisopita huaꞌanoꞌsaꞌ, piyapinënpita, inapita pëinënaquë yaꞌconpi. Yaꞌconatonaꞌ, aparisitapi. Yaꞌipi Iquipito parti yanquëatona tapipi huachi.