Popular Bible Verses from Éxodo 24

Share

Israiroꞌsantaꞌ, Sinioro huënaráchin huënaráchin aꞌpininsoꞌ, quënanpi. Panca pën nënëhuachina, maꞌsha aꞌnaroáchin ahuiquitërinso pochin motopi huiꞌnimotënquë yaꞌnorin. Moisësëso chitoro iꞌcopirinquë yaꞌconahuaton, motopi huiꞌnimotënꞌpaꞌ pantarin. Catapini shonca tahuëri tashirë chachin inatohua yaꞌhuërarin.

Sinioro huënaráchin huënaráchin aꞌpininsoꞌ, Sinai motopi aꞌpintimarin. Saota tahuëri chitorori imotërin. Tahuëririnquësoꞌ, Siniorori Moisësë përarin.

Siniorori Moisësë itaantapon: —Iso Sinai motopiquë nisarahuë niꞌton, huënantaton ninaco. Inaquë cato naꞌpitëaꞌhua quëchinquën. Inaquë pënëntërahuësoꞌ, camaitërahuësoꞌ, inapita nani ninshitërahuë. Ina quëran israiroꞌsa aꞌchintaramaꞌ, itërin.