Popular Bible Verses from Amós 5

Share

Pancaiꞌ paꞌirinso pochin noya ninicatomaꞌ, noꞌtëquënáchin niyonquirapico tëhuënchinsoꞌ. Huinan co yanirinsohuë pochin noya piyapi nicoꞌ,” tënin.

Canpitaso nonpatamara: “Sinioro canpoasoꞌ catahuararinpoaꞌ,” tënamaꞌ. Co noyahuëꞌ ninamasopita aꞌporahuatomaꞌ, nanpicamaso marëꞌ noya nicacamasoꞌ cancantocoꞌ. Napohuatama tëhuënchinsoꞌ, naporamaso noꞌtëquën nisarin.

Co noyahuëꞌ ninamasopita noꞌhuicoꞌ. Noya nicacamasoso nipirinhuëꞌ, paꞌyatocoꞌ. Nanan anoyatahuatamaꞌ, noꞌtëquënáchin shaꞌhuicamasoꞌ cancantocoꞌ. Tapona naporamaso marëꞌ carayanquëma chaꞌëramasoꞌ, Yosë nosoroápirinquëmahuëꞌ. Inasoꞌ Sinioro. Yaꞌipi nanitaparin.

Siniorosoꞌ Yosë niꞌton, napotarinquëmaꞌ: “Aꞌna Israiro ninano quëran ahuëtacaiso marëꞌ huaranca sontaroꞌsa aꞌpahuatamara, pasaíchin huënantaponaꞌ. Aꞌna ninano quëransoꞌ pasa aꞌpahuatamaꞌ, shoncaíchin huënantaponaꞌ. Napoaponahuëꞌ, noya nanpirápamaso nohuantohuatamaꞌ, ca chinotoco catahuainquëmaꞌ,” tënin Sinioro.