Naporoꞌ Ispirito Santori Pinipi shaꞌhuitërin: “Manóton yaꞌyoranconahuaton, imaraaquëꞌ,” itërin.
Pinipisoꞌ taꞌarahuaton, yaꞌyoranconin. Isaiasë ninshitërinsoꞌ nontaquëyaꞌ, natanin:
—Nontëransoꞌ iyasha, ¿nitotëran ti? itërin.
—¡Coꞌchi iyasha, nitotërahuë paya! Co insontaꞌ aꞌchintërincohuëꞌ niꞌton, co nanitërahuëꞌ. Huëquëꞌ huënsëiquëꞌ. Shaꞌhuitoco nitochi, itërin. Napotohuachina, inaquë huënsërin. Papona pochin ninontërapi.