Popular Bible Verses from Hechos 4

Share

Quisocristoíchin anoyacancantërinpoaꞌ. Co aꞌna nanitërinhuëꞌ nichaꞌëinpoasoꞌ. Inaíchin nanitërin nichaꞌëinpoasoꞌ, itërin Pitrori.

Nani Yosë nontohuachinara, ina nohuanton, pëiꞌ nacon nacontarin. Ispirito Santori yaꞌipiya noyá yaꞌcoancantërin. Chiníquën cancantatonaꞌ, Yosë nanamën shaꞌhuirapi.

Iporasoꞌ Sinioro, quiyantaꞌ noꞌhuirinacoisoꞌ, nitotëran. Quëmasáchin yanatërainquën niꞌton, catahuacoi chiníquën cancantatoi, quëma nanamën shaꞌhuii.

Niꞌcochi. Yosë quiricanënquë naporin: “Pëiꞌ ninaꞌpiroꞌsaꞌ pëihuachinaꞌ, aꞌna naꞌpiraꞌ quënanpirinahuëꞌ, co nohuantopihuëꞌ. ‘Napoonin,’ taꞌtonaꞌ, tëꞌyatopirinahuëꞌ. Huaꞌanëni maantarahuaton, ‘Iso naꞌpi naꞌcon naꞌcon nohuantërahuë pëicaꞌhuaso marëꞌ,’ taꞌton, noya acoantarin,” tënin. Quisocristosoꞌ ina naꞌpi pochin. Canpita co nohuantopiramahuëꞌ, Yosëri noya noya niꞌnin.

Ina natanahuatonaꞌ, cotio huaꞌanoꞌsaꞌ ninontopi. “Isopitasoꞌ topinan piyapiꞌsaꞌ. Co maistroꞌsahuëꞌ. Co naꞌcon quirica nitotaponaraihuëꞌ, co tëꞌhuatërinënpoahuëꞌ. Maꞌpitacha nitotopi paya. Quisoso caꞌtanpi niꞌton, ina pochin cancantopi,” nitopi.

Yaꞌipi Quisoso natëpisopita noya niniꞌtonaꞌ, yaꞌhuëpi. Napopianachin yonquipi. Aꞌnaya aꞌnaya pahuantohuachinara, niquëtopi. Co mantaꞌ niapiratopihuëꞌ.