Popular Bible Verses from Hechos 10

Share

Itohuachina, Pitrori itërin: —Tëhuënchachin Yosëri yaꞌipi piyapiꞌsaꞌ nosororin. Co quiyasáchin nosororincoihuëꞌ. Cancanënpoaquë yonquirëhuasopita nitotaton, noꞌtëquën yonquirinpoaꞌ, tënahuë. Nisha piyapiꞌsanquëmaꞌ nipomarahuëꞌ, cancanëma quëran huarëꞌ ina chinotohuatamaꞌ, nohuantarinquëmaꞌ. Noya cancantohuatamaꞌ, noya niꞌsarinquëmaꞌ.

Iráca quëran huarëꞌ pënëntonaꞌpiroꞌsaꞌ Quisoso ninotonaꞌ, shaꞌhuitërinënpoaꞌ ina natëcaso marëꞌ. Cancanënpoa quëran huarëꞌ ina natëcasoꞌ yaꞌhuërin. Oshanënpoa marëꞌ chiminin niꞌton, imapatëhuaꞌ, yaꞌipi oshanënpoaꞌ inquitarinpoaꞌ. “Ca oshanëhuë marëꞌ mini Quisocristo chiminin,” topatëhuaꞌ, inquitarinpoaꞌ, itërin Pitrori.