Popular Bible Verses from 2 Reyes 2

Share

Aquëtëran nipachinara, Iniasëri itapon: —Ipora tahuëri pataranquën. Coꞌhuara pachátëraponquënhuëꞌ, shaꞌhuitoco maꞌsona nohuantëransoꞌ acochinquën, itërin. Napotohuachina, inariso itapon: —Quëmaso maistro, Sinioro ispiritonën yaꞌcoancantërinquën niꞌton, nani maꞌsha nanitaparan. Caso nipirinhuëꞌ, quëmá quëran naꞌcon naꞌcon yaꞌcoancanchinco topirahuë, itërin.

Ninapotatona cato chachin paꞌsapi. Papona pochin ninontërapi. Naporoꞌ aꞌnanaya pën pochin toronan yaꞌnorin. Cahuarionënpitantaꞌ, inapochachin yaꞌnorin. Inari yaꞌcon yaꞌcontahuaton Iniasë chiꞌhuincarin. Inapoaton, inaso panca ihuanquë inápaquë quëpantarin.

—Sacai nininsochi natananco paya. Patasënquën chachin quënanpatanco, natanancoso chachin yaꞌhuëtarinquën. Coꞌsoꞌ napohuatanhuëꞌ, co ina pochin nitarinquënhuëꞌ, itërin Iniasëri.

Ina aꞌmorinsoquë chachin huihuiitahuaton, tapon: “¡Sinioro, quëmasoꞌ huaꞌanëhuë Iniasë chinotërinquën! ¡Ina catahuaranso pochachin cantaꞌ, catahuaco!” itërin. Naporo chachin Cortaniiꞌ nipatomairin. Napohuachina aquëtëran pëntoantarin.

Ina nicaton Irisiosoꞌ, chiníquën nonin: “¡Maistro, maistro! ¡Quëmasoꞌ panca sontaroꞌsa huënton pochin nicaton, yaꞌipi israiroꞌsacoi paꞌpoyarancoi!” tënin. Ina piquëransoꞌ, co huachi maistronën quënaninhuëꞌ. Ina tosahuaton sëtonënquë aꞌmorinso osharin. Catotë huarëꞌ acorin.

Naporoꞌ Iniasësoꞌ, aipi aꞌmorinso soꞌnanahuaton huihuiirin. Inapotohuachina, iiso nipatomairin. Napohuachina, cato chachin inataquëchin pëntonpi.

Panca ihuanquë Siniorori Iniasë quëpacasoꞌ yonquirin. Yaquëpahuachina, Iniasëso Irisiorë chachin Quiricaro quëran pipirapi.