Popular Bible Verses from 1 Samuel 8

Share

Samoirosoꞌ co noyahuëꞌ cancantopirinhuëꞌ, Siniorori itapon: “Ina nohuantopi niꞌquëhuarëꞌ, acotëquë nipachin. Co quëma nocaninënhuëꞌ. Ama cari huaꞌanëntaꞌhuaso marëhuëꞌ ca nocaninaco.

Iquipito quëran ocoirahuë quëran huarëꞌ israiroꞌsa nocaninaco. Quëma ipora nocaninënquënso pochachin canta nocanárinaco. Nisha nisha mamanshiroꞌsa moshacaiso marëꞌ aꞌporinaco.

Napoaton Israiro ansianoꞌsa niyontonpi. Naporahuatonaꞌ, Samoiro nontacaiso marëꞌ Namaquë paꞌpi. Quënanconahuatona itaponaꞌ: “Nani quëmasoꞌ mashotëran. Napoaton co huachi nanitaranhuëꞌ huaꞌqui huaꞌanëntancoisoꞌ. Huiꞌnanpita mini acopiranhuëꞌ, inahuaso co quëma pochin nipihuëꞌ. Napoaton aꞌnara copirno acotocoi camaiincoiso marëꞌ. Aꞌnapita nacionoꞌsa napopiso pochachin quiyanta yaninai,” itopi. Napotohuachinara, Samoiroso co noyahuëꞌ cancantërin. Copirno nohuantopiso marëꞌ naporin. Napoaton Sinioro nontërin: “Israiroꞌsaꞌ, copirno acotaꞌhuaso nataninaco,” itërin.

Samoirori napotopirinhuëꞌ, inapitaso co ina natëpihuëꞌ. Napoatona itaantaponaꞌ: —Ina nipirinhuë tëranta copirno nohuantërai. Aꞌnapita nacionoꞌsa pochin quiyanta huaꞌanënchincoi. Inapotatoncoi ahuëtaꞌhuaiso nipachina, quëpaꞌincoi, itopi.