Popular Bible Verses from 1 Samuel 17

Share

—Quëmasoꞌ, sahuëni, nansa, nansaꞌhua, inapita tëpaancoso marëꞌ quëshiantaranco. Caso nipirinhuëꞌ, Sinioro nanan quëtërinco niꞌton, huëcapayaranquën. Inasoꞌ Yosë, yaꞌipi nanitaparinsoꞌ. Israiro sontaroꞌsacoi huaꞌanëntërincoi. Ina huaꞌanëntopirincoihuëꞌ, quëmasoꞌ noꞌhuirancoi.

Yaꞌipi isëquë nisapisopita nitotapona huachi: “Siniorori chachin catahuarin ahuëtacaiso niꞌton, canatopi. Napoaton nansa, sahuëni, co inapitaquëáchin canatërëhuëꞌ,” tosapi. Ina nohuanton ipora tahuëri quiyarima minsëarainquëmaꞌ, itërin.

Paꞌpiniꞌ, tocaniꞌ, inapita quëran Sinioro nichaꞌërinco. Ina chachin pasoꞌ huiristino sontaro quërantaꞌ, nichaꞌësarinco, itërin. Napohuachina Saonori itapon: —Inta nipachin. Naporan niꞌquëhuarëꞌ, paquëꞌ. Sinioro catahuainquën, itërin.

Iporasoꞌ ina chachin minsëaꞌhuanquënsoꞌ catahuararinco. Ipora tahuëri chachin tëparahuatënquën nishitëconotaranquën. Aꞌnapita huiristino sontaroꞌsanta chiminpisoꞌ, soporoꞌsaꞌ, niꞌniroꞌsaꞌ, inapita aꞌcaarahuë. Inapotohuato, yaꞌipi isoroꞌpaquë yaꞌhuëpisopita nitotapi: “Israiroꞌsasoꞌ, Yosë chachin chinotopi. Inasoꞌ, chini chiníquën nanantërin,” tosapi.

Huaranën masahuaton, aꞌnatërápo naꞌpira iꞌshaquë manin. Tomarain tomarain nininso masahuaton, tanpanantënquë poꞌmorin. Ina quëran naꞌpira aꞌparinquë manin. Inapita masahuaton, huiristino sontaro ahuëapon paꞌnin.

Cantontarahuaton Tapiri Saono itapon: —Ama inso tëranta pasoꞌ huiristino sontaro tëꞌhuachinasohuëꞌ. Quëmasoꞌ chiníquën nanantëran. Caso piyapinënco nipirahuëꞌ, ina ahuëaꞌhuaso marëꞌ paꞌsarahuë, itërin.