Popular Bible Verses from Ef 6

Share

Xb'aan naq moko yooko ta chi xyalb'al qametz'ew yal rik'in winq, rik'ineb' b'an li wankeb' xwankil, eb' li neke'taqlank ut neke'awab'ejink sa' xb'een li ruuchich'och' a'in li wank sa' aak'ab', rik'ineb' li maa'us aj musiq'ej li wankatqeb' taqe'q.

Junelik chextijoq, chextz'aamanq. Chi kok'aq xsa' chex'elajinq sa' li Musiq'ej. Yalomaq eeq'e chi yo'lek sa' komonil, yooqex chi tijok chirixeb' chixjunil laj santil paab'anel

Tiqib'omaq eerib' rik'in chixjunil li xk'anjelob'aal li Yos re naq xaqxooqex chi kaw chiru leeraalenkil xb'aan laj tza.

Jo'kan utan, chapomaq chixjunil li xk'anjelob'aal li Yos re naq teeram chiruheb' li maa'us aj kutan ut kaw xaqxooqex chi ak xeq'ax ru chixjunil.

wanq junelik leepaab'aal cho'q ramleb'ch'iich' re naq texruhanq xchupb'al chixjunil xxamlel li xsimaj li maa'us. Chapomaq ajwi' li xtz'apb'al eejolom, a'an li kolb'a ib', jo'wi' li xch'iich'ul li Musiq'ej, a'an li Raatin li Yos.

Kawaq b'i' eerib' sa' leepaab'aal, jit'jooq leesa' rik'in li yaal ut tiqtooqex rik'in li tiikil ch'oolej re xkolb'al eerib'. Chiwanq leexaab' cheroq re naq yo'oon wanqex chi xpuktesinkil li xchaab'il esil li tuqtuukilal

Sa' xraqik, kawub'resiiq leech'ool rik'in li xnimal xwankil li Qaawa'.

Li xb'een chaq'rab', xchapom rib' rik'in li xyeechi'om li Yos, a'an a'in: “Chawoxloq'i laana' laayuwa' re naq sa tatwanq ut taanajto'q roq laayu'am sa' ruuchich'och'”.

Ex alalb'ej, chepaab' leena' leeyuwa' sa' xk'ab'a' li Qaawa' xb'aan naq a'an eek'ulub' xb'aanunkil.