Popular Bible Verses from 1 Ti 4

Share

Maa'ani chitz'eqtaananq aawe sa' xk'ab'a' laasaajilal, chayal b'an aaq'e chi xk'amb'al xb'eheb' laj paab'anel rik'in aatinak, rik'in laayu'am, sa' li rahok, sa' laapaab'aal jo' ajwi' rik'in xsaqal ru laach'ool.

Li tzolokb'atz'unk kach'in ajwi' xk'anjel; ab'an li xraab'al li Yos nak'anjelak cho'q re chixjunil xb'aan naq naxyeechi'i li yu'am anaqwan ut sa'eb' li kutan chalk re chiqu.

Chawilaq aawib' ut chak'e reetal chi us li k'aru yookat chi xk'utb'al; jiiq'aq aach'ool chi xb'aanunkil a'an: wi jo'kan taab'aanu, taakol aawib' laa'at jo'eb' ajwi' li te'ab'inq aawe.

Ch'olch'o naxye li Musiq'ej naq sa' roso'jikeb' li kutan wan te'xkanab' paab'ank ut te'xtaaqe eb' laj b'alaq'il musiq'ej ut li xk'utumeb' laj tza.

Ab'an chatz'eqtaanaheb' li ink'a' usil seeraq' li maak'a' na'ok wi'. K'e aach'ool rik'in li paab'ank.

K'e aach'ool chi rilb'al xsa' li Santil Hu sa' li komonil, jo'wi' chi k'ehok na'leb' ut chi xtzolb'aleb' laj paab'anel toj reetal tinwulaq eerik'in.