Popular Bible Verses from 1 Ko 6

Share

Ma ink'a' nekenaw naq leetz'ejwal a'an rochoch li Santil Musiq'ej li wank eerik'in ut eek'ulum rik'in li Yos? Moko laa'ex ta yaal eere sa' eeb'een. Loq'b'ilex chi terto eetz'aq! Loq'onimaq b'i' li Yos rik'in leetz'ejwal.

Ma ink'a' nekenaw naq li ink'a' tiikeb' xch'ool ink'a' te'reechani li xnimajwal awab'ejihom li Yos? Meeb'alaq'i eerib'! Eb' laj ko'b'eet aj yumb'eet, eb' laj loq'oninel li yal k'oxlanb'il yos, eb' laj muxul sumlaak, eb' li ixqiwinq, eb' li neke'xb'aanu li maa'usilal rik'ineb' li rech winqilal rech ixqilal, eb' laj elq', eb' laj rahinel ru b'ihomal, eb' laj kalajenaq, eb' laj majewanel, eb' laj maq'ol re ab'i e ink'a' te'reechani li xnimajwal awab'ejihom li Yos.

Chetz'eqtaana li ko'b'eetak ut li yumb'eetak! Chixjunil li k'a'aq chik chi maakil tixb'aanu junaq winq, yal chirix nakanaak, ab'an laj ko'b'eet ut laj yumb'eet a' ajwi' li xtz'ejwal naxmux.

Wank neke'yehok: “Chixjunil naru ninb'aanu!”. Yaal a'an, ab'an moko chixjunil ta us xb'aanunkil. Chixjunil naru ninb'aanu, ab'an moko tink'e ta wib' rub'el xwankil junaq k'a' re ru.

Li Yos li kiwaklesink re chi yo'yo li Qaawa', tooxwaklesi ajwi' chi yo'yo laa'o rik'in xnimal xwankil.